)
नेहाल भुरे, भंडारा भंडारा, 8 मार्च : भंडारा जिल्ह्यात विदारक घटना घडली आहे. वडिलांचं पार्थिव घरी असताना मुलीने दहावीचा पेपर देण्याचं धैर्य दाखवलं आहे. लाखांदूर तालुक्यातील सोनी येथील प्राची राधेश्याम सोंदरकर असे विद्यार्थीनीचे नाव आहे. वडिलांचा भीषण अपघात झाल्यानंतर उपचारादरम्यान निधन झाले. अशावेळी मुलीवर दुःखाचा डोंगर कोसळला. अशा परिस्थितीत करिअरच्या दृष्टीने महत्त्वाचे असलेले दहावीची परीक्षा देण्याचं धैर्य या मुलीने दाखवलं. तिच्या या धाडसाचं सर्वजण कौतुक करत आहेत. प्राची राधेश्याम सोंदरकर हिच्या वडिलांचा गत महिन्यात महाशिवरात्रीच्या दिवशी लाखांदुरवरून स्वगावी सोनीकडे जात असताना मेंढा फाट्याजवळ अज्ञात चारचाकी वाहनाच्या धडकेत अपघात झाला होता. प्रकृती चिंताजनक असल्याने त्यांना नागपूर मेडिकलमध्ये दाखल करण्यात आले होते. अपघातजनक राधेशाम यांना दोन मुली असून, मोठी मुलगी दहावीत तर लहान मुलगी सातव्या वर्गात शिक्षण घेत आहे. दरम्यान वडील राधेशाम यांच्यावर नागपुरात उपचार सुरू असताना तोंडावर दहावीची परीक्षा होती. त्यामुळे प्राची हिने दहावीच्या परीक्षेची तयारी अविरत सुरु ठेवली. 6 तारखेला इंग्रजीच्या पेपरची तयार करत असताना अचानक फोन आला की तुझे बाबा राहिले नाही. वाचा - लग्नानंतर पतीने दिली साथ, महिलेने करुन दाखवलं, ISRO मध्ये झाली शास्त्रज्ञ वडीलांच्या मृत्यूची बातमी कानावर पडताच मुलगी निशब्द झाली. वडिलांच्या मृत्यूची बातमी मोहल्ल्यात वाऱ्यासारखी पसरली, शेजारी एकवटले, बघता–बघता घरासमोर गर्दी झाली, शोकाकूल वातावरण पसरलं. घरच्यांनी तर हंबरडा फोडला. मात्र, प्राचीने वडिलांच्या मृत्यूचे दु:ख लपवून ठेवत न रडता आपले ध्येय गाठण्याचा प्रण करत, तयारी करून आदर्श इंग्लिश हायस्कुल देसाईगंज वडसा येथील परीक्षा केंद्र गाठले. प्राचीच्या हायस्कुलचे मुख्याध्यापक ह्यांना घटनेची माहिती झाल्याने त्यांनी प्राचीला पेपर सोडविण्यासाठी धीर देऊन, वडिलांची स्वप्नपुर्ती करण्यास सांगितली. प्राचीने देखील घरी वडिलांचा अंत्यविधी असताना तिने धैर्याने इंग्रजी विषयाची परीक्षा दिली आहे. प्राचीच्या या धाडसी निर्णयामुळे सर्वत्र कौतुक केले जात आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
