सावधान! Government Jobs च्या नावावर तुमची होऊ शकते मोठी फसवणूक; 'या' गोष्टींकडे द्या विशेष लक्ष

मुंबई, 06 डिसेंबर: संपूर्ण भारतात सध्या गव्हर्नमेंट जॉबची (latest Government Jobs) प्रचंड क्रेझ आहे. आजकालच्या काळात प्रत्येकाला गव्हर्नमेंट जॉब (How to get Government Jobs) हवा आहे. मात्र सरकारी नोकरी मिळवण्यासाठी स्पर्धा वाढत चालली आहे. सरकारी नोकरीतील आरक्षण आणि इतर गोष्टींमुळे प्रत्येकालाच संधी मिळेलच असं नाही. यासाठी प्रचंड मेहनत आणि अभ्यास (Preparation for Government Jobs) करणं महत्त्वाचं आहे. सरकारी नोकरी मिळवणं अजिबात सोपं नाही. मात्र सरकारी नोकरीच्या नावावर फसवणुकीची (Fraud on name of Government Jobs) अनेक उदाहरणं समोर आली आहेत. अनेक तरुण या फसवणुकीला बळी पडत आहेत. म्हणूनच आज आम्ही तुम्हाला फसवणूक होण्यापासून बचाव कसा करणार (How to avoid fraud in Government Jobs) याबद्दल माहिती देणार आहोत. जेणेकरून पुढच्या फेली तुमची फसवणूक होणार नाही. चला तर मग जाणून घेऊया.

अप्लाय करताना नेहमी वेबसाईट तपासा 

फसवणूक करणारे केंद्र सरकार, त्याचे विभाग, सार्वजनिक उपक्रम आणि राज्य सरकारांच्या वेबसाइटला लक्ष्य करत आहेत. या अंतर्गत, ते त्यांच्यासारखीच वेबसाइट बनवतात म्हणजेच क्लोन वेबसाइट. अशा परिस्थितीत अनेकवेळा उमेदवारांना घाईघाईने खरी आणि बनावट वेबसाइट ओळखता येत नाही. म्हणून, अर्ज करताना, विशेषतः वेबसाइटचे डोमेन नाव तपासा. सरकारी वेबसाइटच्या शेवटी नेहमी .nic.in, .gov.in, .ac.in, .com, .co.in असतात.

Government Exam Tips: आता तुमची सरकारी नोकरी पक्की; फक्त फॉलो करा या Tips

खोट्या जाहिरातींवर क्लिक करू नका

काही ठग तर संस्थांच्या नावाने खोट्या जाहिराती (फेक जॉब अॅड) काढतात. मूळ संस्थांच्या नावातील शब्दांची फेरफार करून ते जाहिराती लावतात. अशा परिस्थितीत, अशा जाहिरातींद्वारे अर्ज करणे टाळणे आवश्यक आहे. प्रत्येक नोकरीच्या जाहिराती तपासण्याची खात्री करा. यासाठी रोजगाराच्या बातम्या पाहणे हा एक चांगला पर्याय असू शकतो. याशिवाय, कंपनी किंवा संस्थेच्या अधिकृत वेबसाइटला भेट देऊन तपासणे आवश्यक आहे.

खोट्या मेल्सकडे लक्ष ठेवा

खोटे लोक सोशल मीडियाच्या माध्यमातूनही लोकांना टार्गेट करतात. या अंतर्गत ते कंपनी किंवा संस्थेच्या नावाने ई-मेलद्वारे लोकांना नोकरी देतात. यासोबतच फेसबुक आणि व्हॉट्सअॅपवर लिंक पाठवून अर्ज मागवतात. नेहमी लक्षात ठेवा की सरकारी कंपन्या, विभाग आणि संस्था कधीही ई-मेल इत्यादीद्वारे नोकरीच्या ऑफर पाठवत नाहीत.

Government Job: पुण्यातील महासंचालक संरक्षण संपदेत तब्बल 97 जागांसाठी होणार भरती

पैसे देण्याआधी विचार करा

सरकारी नोकरीची सूचना आली की फसवणूक करणारी टोळी सक्रिय होते. यामध्ये उमेदवारांना पेपर फुटल्याचा दावा (पेपर लीक) करण्यात आला आहे. याशिवाय काही लोक पैसे घेऊन नोकरीची हमी देतात. अशा फंदात कधीही पडू नये. तुमच्या मेहनतीवर नेहमी विश्वास ठेवा कारण जर तुम्ही या फंदात पडलात तर तुम्हाला पैसे गमावावे लागतील आणि भविष्य देखील खराब होईल.