मुंबई, 9 डिसेंबर : देशातल्या अनेक भागांमध्ये सध्या कडाक्याची थंडी पडू लागली असून, त्याचा दैनंदिन कामांवरही परिणाम होतोय. थंडीच्या दिवसांत गाडी सुरू करणं मोठं कठीण असतं. गाडी सुरू केल्यानंतर ती चालवतानाही या काळात वेगवेगळ्या अडचणी येतात. हिवाळ्यात कारची काळजी कशी घ्यायची, याबाबतच्या काही टिप्स पाहू या. त्या अंमलात आणल्यास तुम्हाला हिवाळ्यात गाडी चालवताना कोणतीही अडचण येणार नाही. लाईट : हिवाळ्यामध्ये तुमच्या गाडीला फॉग लाईट लावा. तसंच गाडीमधला हीटर व्यवस्थित सुरू आहे ना, याची खात्री करा. इंजिन : गाडीची बॅटरी आणि इंजिन प्रामुख्याने थंड हवामानात प्रभावित होऊ शकतं. त्यामुळे गाडी सुरू करताना अनेक समस्या उद्भवू शकतात. बॅटरी जुनी असेल, तर ती बदला. अन्यथा बॅटरीच्या सर्व केबल्स आणि त्यामधल्या पाण्याची पातळी तपासा. इंजिन तेल तपासा आणि आवश्यक असल्यास बदला. कारण कमी तापमानात द्रव गोठू शकतात. ब्रेक : हिवाळ्यात बर्फाच्छादित भागात प्रवास करत असलात, तर गाडीचा ब्रेक लावताना अडचण येऊ शकते. अशा वेळी थंडीचा ऋतू सुरू होण्यापूर्वीच ब्रेक सर्व्हिस करा. कॅलिपर ब्रेक स्वच्छ करा आणि ग्रीस लावून घ्या. टायर : हिवाळा सुरू होण्याआधी टायर्स चांगल्या स्थितीत आहेत की नाही, हे तपासा. कारण निसटत्या रस्त्यावर ड्रायव्हिंग करताना घसरण्याची शक्यता वाढते. त्यामुळे टायरमध्ये हवा व्यवस्थित आहे ना, हे तपासलं पाहिजे. तुम्हीही CNG कार वापरता? मग चुकूनही ‘या’ 5 गोष्टी करू नका, अन्यथा…
इलेक्ट्रिक वाहनांची काळजी घ्या : भारतात ईव्ही म्हणजेच इलेक्ट्रॉनिक वाहनांची लोकप्रियता वाढत आहे; मात्र थंडीच्या दिवसात त्यांची काळजी कशी घ्यायची, हा मोठा प्रश्न आहे. त्यासाठीही काही टिप्स आहेत. सर्वांत महत्त्वाचं म्हणजे इलेक्ट्रिक वाहनं खूप थंड तापमानात घेऊन बाहेर पडू नका. ही वाहनं पार्क केल्यानंतर त्यावर कव्हर टाकून झाकून ठेवा. कारण ईव्हीमध्ये वापरण्यात येणारी लिथियम आयन बॅटरी गोठू शकते. अशा वेळी शक्य असल्यास तुम्ही गाडीची बॅटरीही काढून ठेवू शकता. गाडीमध्ये टूलबॉक्स ठेवा : बर्‍याचदा अनेक जण गाडीतून टूलबॉक्स काढून बाहेर ठेवतात; मात्र हिवाळ्यात टूलबॉक्स हा गाडीमध्येच ठेवा. कारण दुर्दैवानं कोणतीही आपत्कालीन परिस्थिती उद्भवली, तर हा टूलबॉक्स उपयोगी येऊ शकतो.
कार लोन फेडल्यानंतर तातडीनं करा ‘हे’काम करा, अन्यथा बसू शकतो मोठा फटका अशी करा गाडी सुरू : पेट्रोल, डिझेल किंवा इलेक्ट्रिक, अशा कोणत्याही प्रकारचं वाहन सकाळी पहिल्यांदा सुरू केल्यानंतर लगेच ते चालवू नका. गाडी सुरू केल्यानंतर थोडा वेळ तशीच जागेवर उभी राहू द्या. त्यानंतर गाडी हळू हळू पुढे न्या.