Aadhar card update
नवी दिल्ली, 1 ऑगस्ट : आधार कार्ड (Aadhaar Card) प्रत्येक भारतीय नागरिकासाठी महत्त्वाचं कागदपत्र आहे. प्रत्येक खासगी आणि सरकारी कामासाठी आधार कार्डची गरज लागते. अधिकतर आधार कार्डवर प्रिंटिंग इंग्रजी भाषेत असते. परंतु UIDAI ने आता आधार कार्ड प्रादेशिक भाषांमध्ये बनवण्याची सुविधा सुरू केली आहे. आता युजर्स आधार कार्ड इंग्रजी, आसाम, उर्दू, पंजाबी, तमिळ, तेलुगू, कन्नड, मल्याळम, मराठी, हिंदी, बंगाली, उडिया, गुजराती या भाषांमध्ये कन्व्हर्ट करू शकतात. आधार कार्डमध्ये भाषा बदलण्यासाठी ऑनलाईन अर्जही करता येऊ शकतो. आधार कार्डमध्ये भाषा बदलण्यासाठी ठराविक रक्कम भरावी लागेल. आधार कार्डमध्ये नव्या भाषेसाठी अपडेट रिक्वेस्ट सबमिट होईल त्यानंतर नवीन आधार कार्ड डाउनलोड करता येईल. आधार कार्डमध्ये भाषा अपडेट होण्यासाठी जवळपास 1 ते 3 आठवड्यांचा कालावधी लागू शकतो. आधार सेवा केंद्रातही आधार कार्डमधील भाषा बदलता येऊ शकते.
ऑनलाईनद्वारे आधार कार्डमध्ये भाषा अपडेट करण्यासाठी - - आधार कार्डमध्ये अपडेट करण्यासाठी अधिकृत वेबसाईट https://uidai.gov.in/ वर भाषेत बदल करता येऊ शकतात. - इथे Check online demographics update status वर क्लिक करावं लागेल. - त्यानंतर 12 अंकी आधार क्रमांक, कॅप्चा कोड टाकून ओटीपीवर क्लिक करावं लागेल. - रजिस्टर्ड मोबाईल नंबरवर 6 अंकी वन-टाईम पासवर्ड येईल. ओटीपी टाकून, लॉगइनवर क्लिक करावं लागेल. - त्यानंतर ज्या भाषेत आधार कार्ड हवं असेल, त्या भाषेवर क्लिक करा. पुढील प्रोसेस फॉलो करत, अर्ज सबमिट करा. - Preview करुन संपूर्ण माहिती तपासता येईल. मोबाईलवर पुन्हा OTP येईल, त्यानंतर पुढील प्रोसेस करावी लागेल.