मुंबई, 23 मे : आयपीएल 2022 मध्ये पहिल्या मॅचपासून लीग स्टेजमधील शेवटच्या मॅचपर्यंत वेगवेगळ्या मिस्ट्री गर्ल्स (Mystery Girls) सर्वांचं लक्ष वेधून घेतलं. मैदानातील खेळडूंच्या कामगिरी प्रमाणेच या मिस्ट्री गर्ल्सचीही फॅन्समध्ये चर्चा होती. त्यांचे फोटो सोशल मीडियावर चांगलेच व्हायरल झाले. त्या फोटोवरून त्यांचे नाव तसंच अन्य माहितीही फॅन्सनी मिळवली. मुंबई इंडियन्सची आयपीएल 2022 मधील शेवटची मॅच दिल्ली कॅपिटल्स विरूद्ध (MI vs DC) झाली. शनिवारी झालेल्या त्या मॅचमध्ये मुंबईच्या विजयाबरोबरच दोन मिस्ट्री गर्ल्सचीही चांगलीच चर्चा रंगली. या दोन मिस्ट्री गर्ल्सलमधील एक इशान किशनची कथित गर्लफ्रेंड आदिती हुंदिया (Aditi Hundia) आहे. दिल्ली विरूद्ध इशान बॅटींग करत असताना अदिती स्टेडिअममध्ये उपस्थित होती. तिनं इशानला जोरदार पाठिंबा दिला. आदिती प्रसिद्ध मॉडल असून मिस इंडिया 2017 ची फायनालिस्टही आहे. एवढंच नाही, तर आदितीनं 2018 च्या मिस सुपरनॅचरल इंडियाचं विजेतेपदही पटकावलं आहे. इशान आणि आदिती यांच्यातील रिलेशनशिपची गेल्या 3 वर्षांपासून चर्चा आहे.
आदितीसोबत वानखेडेवर दिसलेल्या तिच्या मैत्रिणीचे नाव काशिका कपूर (Kashika Kapoor) आहे. काशिका देखील मॉडेल असून इन्स्टाग्रामवर तिचे 6.8 दशलक्षपेक्षा जास्त फॉलोअर्स आहेत.
इशान किशननं दिल्ली कॅपिटल्स विरूद्धच्या मॅचमध्ये मुंबईकडून सर्वात जास्त 48 रन केले. इशान किशनची या आयपीएल ऑक्शनमध्ये सर्वाधिक 15 कोटी 25 लाख रूपये देऊन मुंबई इंडियन्सनं खरेदी केली. त्यानं या आयपीएल सिझनमधील 14 सामन्यात 32.15 च्या सरासरीनं 418 रन केले. यामध्ये 3 अर्धशतकांचा समावेश आहे. IPL 2022 : उमरान मलिकच्या खतरनाक बाऊन्सरपुढे मयंक निरूत्तर, पाहा VIDEO इशानच्या मुंबई इंडियन्ससाठी ही आयपीएल स्पर्धा निराशानजन ठरली. मुंबईला 14 पैकी फक्त 4 सामने जिंकता आले. त्यामुळे पॉईंट टेबलमध्ये त्यांनी दहावा क्रमांक पटकावला. आयपीएलनंतर होणाऱ्या भारत विरूद्ध दक्षिण आफ्रिका टी20 मालिकेसाठी इशानची टीम इंडियामध्ये निवड झाली आहे. आगामी टी20 वर्ल्ड कपच्या तयारीसाठी ही मालिका इशानसाठी महत्त्वाची आहे.