दासपूर, 13 जून : पत्त्यांसारखी तीन मजली इमारत कोसळल्याचा धक्कादायक व्हिडीओ समोर आला आहे. पश्चिम बंगालमधील मेदिनीपुरा जिल्ह्यातील दासपुरा गावात ही दुर्घटना घडली आहे. मिळालेल्या माहितीनुसार या इमारतीच्या परिसरात नाला तयार करण्याचं काम सुरू होतं. त्याच दरम्यान ही मोठी दुर्घटना घडली आहे. या व्हिडीओमध्ये आपण पाहू शकता 3 मजली इमारत डोळ्यादेखत कोसळत आहे. या परिसरात काम सुरू असताना ही दुर्घटना घडल्याची माहिती मिळत आहे. इमरत कोसळतानाची घटना कॅमेऱ्यात कैद झाली.
मिळालेल्या माहितीनुसार घटनास्थळावर नाल्याचं काम सुरू होतं. त्याचदरम्यान माती ढासळल्यानं इमारत कोसळली असावी असं प्राथमिक तपासातून सांगण्यात आलं आहे. सुदैवान त्यावेळी या इमारतीमध्ये कोणीही नसल्यानं मोठी दुर्घटना टळली आहे. हे वाचा- कोरोनापासून वाचण्यासाठी लोक काय करतात पाहा, लाॅकडाऊनमधले 11 सर्वात भन्नाट जुगाड हे वाचा- OMG! विमानावर कोसळली वीज आणि… अंगावर काटा आणणारा VIDEO संपादन- क्रांती कानेटकर