ठाणे 08 ऑक्टोबर : शिवसेनेचे दोन गट पडल्यानंतर या दोन्ही गटांमध्ये तीव्र संघर्ष पाहायला मिळत आहे. दसरा मेळाव्याच्या दिवशी शिंदे गटातील शिवसैनिकांनी ठाकरे गटातील महिला शिवसैनिकांना अश्लिल इशारे केल्यानंतर या शिवसैनिकांना चोप देण्यात आला होता. यानंतर आता आणखी एक बातमी ठाण्यातून समोर आली आहे.आता ठाकरे गटातील शिवसैनिकांना पोलिसांनी ताब्यात घेतलं आहे. ठाकरे गटातील 8 जण पोलिसांच्या ताब्यात आहेत. आक्षेपार्ह घोषणा दिल्याने ठाणे शहर पोलीस स्टेशनमध्ये त्यांच्याविरोधात गुन्हा दाखल करण्यात आला होता. यानंतर ठाणे नगर पोलिसांनी आठ जणांना ताब्यात घेतलं आहे. ठाकरे गटातील काहींनी शिंदे गटाविरुद्ध तसंच नरेश म्हस्के यांच्याविरुद्ध आक्षेपार्ह वक्तव्य केल्याचा आरोप आहे. दसरा मेळाव्याच्या दिवशी हे आक्षेपार्ह वक्तव्य केलं गेलं होतं. Dasara Melava 2022 : ठाण्यात आक्षेपार्ह शब्दात घोषणा, ठाकरे गटातील शिवसैनिकांवर कारवाई शिवसेनेच्या दसरा मेळाव्याला शिवाजी पार्क येथे जाण्यास खासदार राजन विचारे यांच्या नेतृत्त्वात रॅली निघाली होती. यावेळी ठाकरे गटाच्या शिवसैनिकांनी नरेश म्हस्के यांच्या विरोधात घोषणा दिल्या होत्या. “निम का पत्ता कडवा है, नरेश म्हस्के …. है अशा शब्दात त्यांनी घोषणा दिल्या होत्या. यानंतर ही कारवाई करण्यात आली आहे. याप्रकरणी 14 जणांविरुद्ध गुन्हा दाखल आहे. आणखी सहा जणांना पोलीस लवकरच ताब्यात घेणार आहेत. आता पोलीस या सर्वांना अटक करणार की समज देत सोडून देणार, हे काहीच वेळात स्पष्ट होईल. VIDEO: ठाकरे-शिंदे गट पुन्हा आमनेसामने; ठाण्यात शाखेच्या चावीवरुन राडा नाशिक मुंबई महामार्गावरही झालेला राडा - दरम्यान नाशिक मुंबई महामार्गावरही शिवसेना गट आणि शिंदे गटात राडा झाला होता. यावेळी शिंदे गटाच्या कार्यकर्त्यांना शिवसेना महिला कार्यकर्त्यांनी चोप दिला. चालत्या वाहनातून अश्लील इशारे केले, असा आरोप महिला शिवसैनिकांनी केला. यामुळे अश्लील इशारे केल्याचा कारणावरून शिंदे गटाच्या कार्यकर्त्यांना ठाकरे गटाच्या महिला कार्यकर्त्यांकडून रस्त्यातच चोप दिला होता. ही घटना दसऱ्याच्या दिवशी नाशिक मुंबई महामार्गावरील शहापूर जवळ घडली.