विशाल देवकर, प्रतिनिधी नागपूर, 19 मे : महाराष्ट्रात सध्या लग्नसराईची धामधूम आहे. या काळात सोन्या-चांदीचे दागिने मोठ्या प्रमाणात खरेदी केले जातात. गेल्या काही काळात सोन्याचे दर झपाट्याने वाढल्याने लोक चिंतेत होते. पण आता सोन्याच्या दरात होणाऱ्या दरवाढीला ब्रेक लागला आहे. आज नागपुरात सोन्याच्या दरात आज कुठलीही वाढ अथवा घट झालेली नाही. आज नागपूरकरांना 24 कॅरेट सोन्यासाठी प्रतितोळा 60 हजार 800 रुपये मोजावे लागणार आहेत. तर 22 कॅरेट सोन्यासाठी प्रतितोळा 57 हजार 800 रुपये द्यावे लागतील. चांदीच्या दरात 100 रुपयांची वाढ महिला वर्गाकडून सोन्यासोबतच चांदीच्या दागिन्यांनाही मोठी मागणी असते. गेल्या महिन्याभराचा विचार करता चांदीचे दरही झपाट्याने वाढले आहेत. तसेच गेल्या आठवड्यातही चांदीच्या दरात सातत्याने वाढ झाली. मात्र आज चांदी खरेदी करणाऱ्या ग्राहकांना गुरुवारच्या तुलनेत चांदी 100 रुपयांनी महाग मिळणार आहे. त्यामुळे नागपूरच्या सराफा बाजारात प्रति किलो चांदीसाठी 72 हजार 700 मोजावे लागणार आहेत.
गुंतवणुकीचा चांगला पर्याय सोनं भारतीय लोकांना सोन्या-चांदीचं मोठं आकर्षण आहे. सण, उत्सव आणि घरगुती समारंभात लोक आवर्जुन सोनं खरेदी करतात. सध्या लग्नसराईचा काळ असल्यानं सराफा बाजारात गर्दी आहे. तसेच सोन्याकडे गुंतवणुकीसाठी एक उत्तम पर्याय म्हणूनही पाहिलं जातं. त्यामुळे अनेकजण सोन्यात गुंतवणूक करत असतात. पुढील काळात सोन्याची किंमती आणखी वाढण्याची शक्यता असल्याने सोनं गुंतवणुकीचा सल्ला दिला जात आहे. नागपूर शहरातील आजचे सोन्याचे दर (10 ग्रॅम) 10 ग्रॅम 24 कॅरेट - 60,800 10 ग्रॅम 22 कॅरेट- 57,800 10 ग्रॅम 20 कॅरेट- 54,900 10 ग्रॅम 18 कॅरेट- 48,600 10 ग्रॅम 14 कॅरेट-39,500 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 6,080 1 ग्रॅम 22 कॅरेट- 5,780 1 ग्रॅम 20 कॅरेट- 5,490 1 ग्रॅम 18 कॅरेट-. 4,860 10 ग्रॅम 14 कॅरेट-3,950 चांदीचे दर प्रतिकिलो - 72,700 प्लॅटिनम 40,000
Gold Price in Nashik : नाशिकमध्ये सोन्यानं पुन्हा दिली खूशखबर, आजचा दर पाहिलात का?
नागपूर शहरातील कालचे सोन्याचे दर (10 ग्रॅम) 10 ग्रॅम 24 कॅरेट - 60,800 10 ग्रॅम 22 कॅरेट- 57,800 10 ग्रॅम 20 कॅरेट- 52,000 10 ग्रॅम 18 कॅरेट- 48,600 नागपूर शहरातील सोन्याचे दर (1 ग्रॅम) 1 ग्रॅम 24 कॅरेट - 6,080 1 ग्रॅम 22 कॅरेट- 5,780 1 ग्रॅम 20 कॅरेट- 5,200 1 ग्रॅम 18 कॅरेट-. 4,860 चांदीचे दर प्रतिकिलो - 72,600 प्लॅटिनम 40,000 (टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.)