बुलढाणा बस अपघात
बुलडाणा, 7 जुलै : गेल्या आठवड्यात समृद्धी महामार्गावर सिंदखेड राजाजवळील पिंपळखुटा गावाजवळ खासगी बसचा भीषण अपघात झाला. यामध्ये तब्बल 25 जणांचा मृत्यू झाला होता. यानंतर आता या अपघातप्रकरणी आतापर्यंतचा सर्वात मोठा खुलासा समोर आला आहे. अहवालात धक्कादायक माहिती उघड - समृद्धी महामार्गावर झालेल्या या भीषण अपघाताने संपूर्ण महाराष्ट्र हादरला होता. या बस अपघातप्रकरणी आतापर्यंतचा सर्वात मोठा खुलासा झाला आहे. बुलढाणा बस अपघातात बसचा चालक दारूच्या नशेत होता, असे अहवालात उघड झाले आहे. या अपघातात 25 जणांचा होरपळून मृत्यू झाला. 1 जुलै रोजी समृद्धी महामार्गावर नागपूरहून पुण्याकडे जाणाऱ्या बसला अपघात झाला होता. यामध्ये तब्बल 25 जणांचा जिवंत जळाल्याने मृत्यू झाला होता.
यानंतर आता याप्रकरणी सर्वात मोठा खुलासा झाला आहे. चालकाच्या रक्ताच्या नमुन्याच्या अहवालात चालक दारूच्या नशेत असल्याचे समोर आले आहे. रक्तामध्ये अल्कोहोल असल्याचा पुरावा आढळला आहे. या खुलाशाने एकच खळबळ उडाली आहे. विदर्भ ट्रॅव्हल क्र. MH29 BE1819 मधून या 25 प्रवाशांसाठी शेवटचा प्रवास ठरला. ही बस समृद्धी महामार्गावरील पुलावरील दुभाजकाला धडकून पलटी झाली. यानंतर लगेचच बसने पेट घेतला . हा अपघात घडताच ड्रायव्हर आणि कंडक्टरसह 5 ते 6 प्रवासी बसच्या काचा फोडून बाहेर पडले. यामुळे या भीषण अपघातातून ते बचावले. मात्र, इतर 25 जणांचा बसमध्येच होरपळून मृत्यू झाला. बुलढाणा बस अपघातातील मृतदेहांवर 2 जुलैला सामूहिक अंत्यसंस्कार करण्यात आले. बुलढाण्यातील सिंदखेड इथे विदर्भ ट्रॅव्हल्सला झालेल्या अपघातात 25 प्रवाशांचा होरपळून मृत्यू झाला होता. या अपघातातील प्रवाशांच्या मृतदेहांची ओळख न पटल्याने 25 पैकी 24 मृतदेहांवर 2 जुलै सामूहिक अंत्यसंस्कार करण्यात आले. यावेळी मंत्री गिरीश महाजन स्वत: सामूहिक अंत्यसंस्कारासाठी उपस्थित होते. एवढंच नाही तर त्यांनी पुढे येऊन सरणही रचले. अंत्यसंस्कार विधी दरम्यान त्यांनी पुढाकार घेतला होता. यावेळी तिथे उपस्थित असलेल्या नातेवाईकांचा आक्रोश सुरू होता. त्यांना सावरण्यासाठी ते पुढे आले. मंत्री गिरीश महाजन यांचं नातेवाईकांना सांत्वन केले.