लोकल केशकर्तनालय
मुंबई, 07 नोव्हेंबर : उत्तम हेअर स्टाइल लोकांचा लूक वाढवण्याचे काम करते. त्यामुळे बहुतेक लोक केस कापण्यासाठी आणि स्टाइल करण्यासाठी महागड्या सलूनला जातात. मात्र, बहुतांशी लोक फॅन्सी सलूनऐवजी लोकल सलूनमध्ये जाणे पसंत करतात. लोकल सलून सामान्यतः देशातील प्रत्येक रस्त्यावर आणि परिसरात आढळतात. फॅन्सी सलूनच्या तुलनेत लोकल सलून स्वस्त आणि लोकांना आपली वाटतात. तुम्हाला लोकल सलूनमध्ये फॅन्सी सलूनसारखी केशरचना करायची असेल तर इथे दिलेल्या टिप्स फॉलो करणेही आवश्यक आहे. घाई-गडबड टाळा - गावातील गल्लीतील लोकल सलूनमध्ये केस चांगल्या पद्धतीने कापण्यासाठी गर्दीच्या वेळी सलूनला भेट देणे टाळा. सलूनमध्ये खूप गर्दी असते तेव्हा सलून चालक घाई करू शकतो, गर्दीच्यावेळी नक्कीच त्याच्याकडून घाई केली जाते. ज्यामुळे तुमची हेअरस्टाईल खराब होऊ शकते. म्हणून, शनिवार व रविवार आणि सुट्टीच्या दिवशी सलूनमध्ये जाऊ नका. अन्यथा तुमची चांगली हेअरस्टाईल बिघडण्याची शक्यता जास्त आहे. सलून चालकाच्या मोकळ्या वेळेत केस कापल्यास नक्कीच चांगला शेफ येईल. कोणताही सलून चालक निवांत असताना जास्त चांगली हेअर स्टाईल करू शकतो. केस कापताना - लोकल सलूनमध्ये उपस्थित असलेल्या हेअर ड्रेसरला कटिंगचा मोठा अनुभव असतो. यामुळे बहुतेक लोक हेअरस्टाइलचा निर्णय हेअर ड्रेसरवर सोडतात. मात्र, असं करण्यामुळे तुमची हेअरस्टाईलही खराब होऊ शकते. म्हणून, केस कापण्यापूर्वी केशभूषाकाराला आपल्या इच्छित केशरचनेबद्दल चांगले समजावून सांगा. यामुळे तुमचे काम सोपे होईल आणि तुम्हाला तुमचे आवडती स्टाईल मिळेल.
सांगून झोपू नका - हेअर ड्रेसरसोबत केशरचना शेअर केल्यानंतर बरेच लोक चिंता न करता आरामात खुर्चीवर बसतात किंवा बसल्या-बसल्या झोपून जातात. हेअर ड्रेसर कितीही अनुभवी असला तरी कटिंग करताना त्याच्याकडून काही चूक होऊ शकते. त्यामुळे केस कापताना नेहमी दक्ष आणि सतर्क राहायला हवे. हे वाचा - वडिलांशी बोलताना या गोष्टींचे नेहमी भान ठेवा, तुमचे हे शब्द त्यांचे मन दुखावतात यासोबतच समोरच्या आरशात हेअर ड्रेसरच्या हालचालींवर लक्ष ठेवायला विसरू नका. जेणेकरून केशभूषाकाराकडून काही चूक झाली असेल तर ती त्वरित दुरुस्त करता येईल.