मुंबई, 10 जून : नारळाचे पाणी आरोग्यासाठी जितके फायदेशीर मानले जाते तितकेच ते त्वचेसाठीही खूप फायदेशीर आहे. वास्तविक, नारळाच्या पाण्यात अमिनो अॅसिड मुबलक प्रमाणात आढळतात. त्वचेचा कोरडेपणा दूर करण्यासाठी आणि मुलायम बनवण्यासाठी ते प्रभावी आहेत. याशिवाय नारळाच्या पाण्यात असे अनेक पोषक तत्व असतात जे स्कीन तरुण ठेवतात आणि चेहऱ्यावर बारीक रेषा, पिगमेंटेशन वगैरे होत नाही. त्यामध्ये असलेले उच्च इलेक्ट्रोलाइट घटक त्वचेला थंड करण्यास मदत करतात आणि चेहरा फ्रेश-चमकदार बनतो. याशिवाय, ब्लॅकहेड्स, पिगमेंटेशन, पिंपल्स, लालसरपणा इत्यादी बरे करण्यासाठी देखील याचा फायदा होतो. स्किन केअर रूटीनमध्ये नारळ पाण्याचा समावेश करण्याचे फायदे जाणून (Coconut Water for Skin) घेऊया. नारळाचे पाणी क्लिंजर म्हणून वापरा - चेहरा स्वच्छ करण्यासाठी आपण नारळाच्या पाण्याचा वापर करू शकता. एका भांड्यात नारळाचे पाणी काढून हलक्या हातांनी चेहऱ्यावर शिंपडा आणि नंतर कापसाच्या साहाय्यानेही चेहऱ्यावर पुसून घेऊ शकता. मेकअप काढण्यासाठी वापरा - तुम्हाला हवे असल्यास नारळाच्या पाण्याच्या मदतीने तुम्ही तुमचा मेकअप साफ करू शकता. यासाठी तुम्ही कॉटन वाइप्सचीही मदत घेऊ शकता आणि स्प्रे बॉटलचीही मदत घेऊ शकता. फेस मास्क म्हणून वापरा - एका भांड्यात 2 चमचे नारळ पाणी, अर्धा चमचा मध आणि अर्धा चमचा हळद एकत्र करा आणि फेटून घ्या. आता ते चेहऱ्यावर मास्कप्रमाणे चांगले लावा. 10 मिनिटांनी चेहरा धुवा. चेहऱ्यावर चमकही येईल आणि अनेक स्कीन प्रॉब्लेम कमी होतील. हे वाचा - भरपूर पाणी पिणं फायदेशीर असलं तरी हे शारीरिक त्रास त्यामुळेच होऊ शकतात टोनर म्हणून वापरा - आपला चेहरा पूर्णपणे स्वच्छ आणि पुसून झाल्यानंतर कापसाच्या मदतीने नारळाचे पाणी चेहऱ्यावर लावा. मिस्टप्रमाणे वापरा - उन्हाळ्यात तुम्ही याचा वापर फेस मिस्ट म्हणूनही करू शकता. स्प्रे बॉटलमध्ये नारळाचे पाणी टाकून फेस मिस्टप्रमाणे चेहऱ्यावर स्प्रे करा. तुमची त्वचा फ्रेश आणि मऊ राहील. हे वाचा - 40 नंतर महिला अशा जाडजुड का बरं होतात? एक्सपर्टसने सांगितले कारण आणि उपाय (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)