नवी दिल्ली, 29 मे : म्हातारपणी सुरकुत्या येणं स्वाभाविक आहे. पण अलिकडे अनेकांच्या अनेकांच्या मानेवर, चेहऱ्यावर तरुण वयातच सुरकुत्या, रेषा दिसून येतात. काही गोष्टींची योग्य काळजी घेतल्यास आपण त्वचेवर वृद्धत्वाच्या लक्षणांचा वेग कमी करू शकतो. त्वचेला योग्य पोषण, हायड्रेशन आणि संरक्षण मिळाल्यास त्वचा दीर्घकाळ चमकदार राहते आणि सुरकुत्याही दिसणार नाहीत. मानेवरच्या सुरकुत्यांबद्दल बोलायचं झालं तर इथली त्वचा चेहऱ्यासारखी मऊ आणि नाजूक आहे. त्याचीही आपण विशेष काळजी घेतली पाहिजे. काही घरगुती उपाय आहेत ज्यांच्या मदतीने मानेवरील सुरकुत्या घालवता येतात. मानेवरील सुरकुत्या घालवण्यासाठी आपण कोणते घरगुती पॅक वापरू शकतो आणि कसे ते (Neck wrinkles remove tips) जाणून घेऊया. मानेच्या सुरकुत्या घालवण्यासाठी घरगुती पॅक कलौंजी तेल - कलौंजी तेल (काही ठिकाणी काळे तीळ म्हणतात) त्वचेचे नुकसान होण्यापासून संरक्षण करते आणि वृद्धत्वाची चिन्हे बरे करू शकते. त्यात अशी अनेक फॅटी अॅसिड असतात जी त्वचेला मॉइश्चरायझ करतात आणि सुरकुत्या कमी करतात. वापरण्यासाठी, एक चमचा ऑलिव्ह तेल आणि अर्धा चमचा कलोंजी तेल मिसळा आणि 15 मिनिटे मानेला मसाज करा. अंडी वापरा - मानेवरील सुरकुत्या घालवण्यासाठी आपण अंड्याचा पांढरा भाग वापरू शकता. यामध्ये प्रथिने आणि अल्ब्युमिन मुबलक प्रमाणात आढळतात, जे स्किन टोनिंगसारखे काम करतात. एका भांड्यात अंड्याचा पांढरा भाग काढा आणि त्यात 2 टेबलस्पून मध, 2 टेबलस्पून ग्लिसरीन आणि 2 टेबलस्पून गुलाबजल मिसळून घट्ट पेस्ट बनवा. 20 मिनिटांनंतर स्वच्छ धुवा. अ‌ॅपल सायडर व्हिनेगर - अ‌ॅपल सायडर व्हिनेगरमध्ये वृद्धत्वविरोधी गुणधर्म असतात, ज्यामुळे मानेवरील बारीक रेषा आणि सुरकुत्या कमी होतात. अ‌ॅपल सायडर व्हिनेगरमध्ये अल्फा हायड्रॉक्सिल ऍसिड देखील असते जे मृत त्वचा काढून टाकण्यास मदत करते. ते वापरण्यासाठी, तुम्ही एक चमचा अ‌ॅपल सायडर व्हिनेगर आणि एक चमचा मध घ्या आणि दोन्ही मिक्स करून पेस्ट बनवा. आता 15 मिनिटे मानेवर लावा आणि नंतर पाण्याने स्वच्छ करा. डाळींचा वापर - डाळी आपल्या त्वचेवर कोलेजन उत्पादन वाढवण्यास मदत करतात आणि त्वचा तरुण आणि सुरकुत्या फ्री होऊ शकते. अर्धी वाटी डाळ रात्रभर पाण्यात भिजत ठेवा आणि सकाळी गाळून मिक्सरमध्ये बारीक करा. आता यामध्ये टोमॅटोचा रस घालून पेस्ट बनवा आणि मानेवर लावा. हे वाचा - शुक्र मेष राशीत असल्यानं या 5 राशीच्या लोकांचा सुकाळ; लक्झरी लाईफचा घ्याल आनंद तांदळाचे पीठ वापरणे - हा पॅक घरी बनवण्यासाठी गुलाबपाणी आणि तांदळाचे पीठ चांगले मिक्स करून त्याची पेस्ट बनवा. आता याने मानेला मसाज करा. 10 मिनिटांनंतर पाण्याने स्वच्छ धुवा. हे सर्व उपाय जर तुम्ही आठवड्यातून दोनदा केले तर काही दिवसात तुम्हाला त्याचे फायदे दिसू लागतील. हे वाचा - 28 मे जागतिक मासिक पाळी स्वच्छता दिन; जाणून घ्या या दिवसाचे महत्त्व आणि इतिहास (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही.)