मुंबई, 12 जानेवारी : हिवाळ्यात अनेकदा पाय थंड पडतात. हे टाळण्यासाठी आम्ही एकतर जाड मोजे घालतो किंवा गरम कॉम्प्रेस देतो. पाय थंड होणे ही शरीराची एक सामान्य प्रक्रिया आहे. पण तुम्हाला माहित आहे का की, पाय खूप थंड असणे हे देखील शरीरातील एखाद्या गंभीर समस्येचे लक्षण असू शकते. होय, जर तुम्ही मधुमेह किंवा अॅनिमियासारख्या आजाराने ग्रस्त असाल तर त्याचा परिणाम आपल्या पायांच्या तापमानावर होतो आणि ते थंड होतात. इतकंच नाही तर कधी कधी मज्जातंतूंच्या समस्यांमुळेही ही समस्या उद्भवू शकते. पाय खूप थंड का असतात? मेडिकल न्यूज टुडेच्या म्हणण्यानुसार, जेव्हा आपण थंड तापमानात जातो तेव्हा तळपाय आणि तळहातांच्या रक्तवाहिन्या आकुंचन पावतात. त्यामुळे या भागांमध्ये रक्त प्रवाह कमी होतो आणि त्यामुळे येथे तापमान कमी होऊ लागते. याशिवाय काही वैद्यकीय कारणांमुळे पाय थंड होण्याची समस्या उद्भवू शकते.
चांगलं आरोग्य हवंय मग तुम्ही या चांगल्या सवयी फॉलो करता का? नसतील तर आजपासून सुरू कराथंड पाय असण्याची इतर कारणे अॅनिमिया : शरीरात लाल रक्तपेशींची कमतरता असल्यास आणि ती व्यक्ती अॅनिमियाची रुग्ण असेल. तर पायात थंडीही जाणवू शकते. याशिवाय शरीरात लोहाची कमतरता, व्हिटॅमिन बी12, फोलेट, किडनीचा जुनाट आजार अशी समस्या असल्यासही असे होऊ शकते.
मधुमेह : जर तुमचे पाय सतत थंड राहत असतील तर तुम्ही एकदा मधुमेहाची तपासणी करून घ्या. वास्तविक, शरीरातील साखर सतत अनियंत्रित राहिली तरीही पाय थंड होण्याची समस्या सुरू होऊ शकते. रक्ताभिसरणात समस्या : अनेक वेळा एकाच जागी बसल्याने पायांमध्ये रक्ताभिसरण चांगल्या प्रकारे होत नाही. त्यामुळे पाय थंड होतात. तुम्ही डायनॅमिक जीवनशैली जगत नसाल तरीही ही समस्या असू शकते. नर्व्ह प्रॉब्लेम : जर तुम्हाला मज्जातंतूंच्या समस्येने त्रस्त असाल तर पाय थंड होण्याची समस्या सामान्य आहे. अपघात किंवा अतिताणामुळे कधी कधी नसा खराब होतात. अशा स्थितीत पायाचा त्रास वाढतो. Winter Health Tips : आरोग्याच्या प्रत्येक समस्येवर रामबाण उपाय आहेत कारले, हिवाळ्यात नक्की खा जास्त ताण : जास्त ताण आणि चिंता यामुळे पाय थंड होण्याची समस्या देखील होऊ शकते. जर तुम्ही जास्त तणावाच्या परिस्थितीत असाल तर तुम्हाला असे वाटेल की, तुमच्या पायांचे तापमान कमी होत आहे आणि ते थंड होत आहेत.