अमिताभ बच्चन यांचे सहकलाकर हरीश मॅगन यांचं निधन; 'या' प्रसिद्ध सिनेमांत केलंय काम

मुंबई, 03 जुलै : बॉलिवूडमधून एक दु:ख बातमी समोर आली आहे. 70-80च्या दशकात आपल्या अभिनयाची वेगळी छाप सोडणारे अभिनेते हरीश  मॅगन यांचं निधन झालं. 1 जुलै रोजी त्यांनी अखेरचा श्वास घेतला. ते 76 वर्षांचे होते. अमिताभ बच्चन यांच्याबरोबर हरीश मॅगन यांनी ‘नमक हलाल’ या सिनेमात काम केलं होतं. सिनेमातील त्यांची भुमिका चांगलीच फेमस झाली होती. त्यांच्या निधनानं बॉलिवूडवर शोककळा पसरली आहे. हरीश यांनी ‘गोलमाल’ आणि ‘शहंशाह’ सारख्या प्रसिद्ध सिनेमातही काम केलं आहे. हरीश यांच्या मृत्यूपश्चात त्यांची पत्नी, मुलगा सिद्धार्थ आणि मुलगी आरूषी असा परिवार आहे. त्यांच्या मृत्यूचं कारण अद्याप समोर आलेलं नाही. 1 जुलै रोजी त्यांचा मृत्यू झाला पण दोन दिवसांनी त्यांच्या मृत्यूची माहिती समोर आली. हरीश हे अनेक काळापासून सिनेसृष्टीपासून दूर होते. असं असलं तरी ते मुंबईत स्वत:ची अभिनय कार्यशाळा चालवत होते. हेही वाचा - ‘रिमझिम गिरे सावन’चं रिक्रिएशन; मुंबईतील लोकेशन्स आणि आयफोनची कमाल, आनंद महिद्राही झाले फिदा सिने टीव्ही आर्टिस्ट असोसिएशनच्या ट्विटर हँडलवरून अभिनेते हरीश मॅगन यांच्या निधनाची माहिती देण्यात आली आहे. हरीश मॅगन हे 1988पासून असोसिएशनचे सदस्य होते. हरीश यांचा जन्म 6 डिसेंबक 1946साली झाला. त्यांनी FTII मधून अभिनयाचं शिक्षण घेतलं होतं. 1974च्या बॅचचे ते विद्यार्थी होते. ‘चुपके चुपके’, ‘मुक्कदर का सिंकदर’ 1997मध्ये आलेल्या ‘उफ्फ ये मोहब्बत’ सारख्या सिनेमाता त्यांनी काम केलं होतं.

• First Published : July 3, 2023, 9:55 am IST