आताच फॉलो करा या टिप्स
मुंबई, 23 जुलै : कोणत्याही नवीन व्यवसायात (Business) सुरुवातीचे दिवस खूप महत्त्वाचे असतात आणि नोकरीत (Job) सुरुवातीची काही वर्षं. कारण त्यावरून तुमचं भविष्यातलं करिअर ठरतं. नव्या नोकरीत ऑफिस (Office), नवे सहकारी या सगळ्या गोष्टींसोबत जुळवून घेणं महत्त्वाचं असतं. कोणताही निर्णय घेतल्यानंतर त्याचे होणारे परिणाम तुमच्या करिअरवर परिणाम करू शकतात. त्यामुळे तुम्ही सद्सद्विवेकबुद्धीने सर्व बाबींचा विचार करायला हवा. प्रोफेशनल लाइफमध्ये (Professional Life) तुम्ही केलेल्या छोट्या चुकादेखील करिअरवर मोठा प्रभाव पाडू शकतात. त्यामुळे तुम्ही सावध राहणं गरजेचं असतं. कामाच्या ठिकाणी कोणत्या चुका टाळायला हव्यात, याबद्दल थोडी माहिती घेऊ या. या संदर्भात माहिती देणारं वृत्त ‘नवभारत टाइम्स’ने दिलं आहे. स्वतःला कमी लेखू नका नोकरी किंवा व्यवसाय करताना लोक तुमच्या यशाबद्दल तुम्हाला विचारतील, तेव्हा तुम्हाला निराश होण्याची, स्वतःला कमी लेखण्याची गरज नाही. स्वत:ला कधीही कमी समजू नका आणि संधी मिळाल्यावर कमी पैशांत नोकरीसाठी कुठेही जाऊ नका. पगाराबद्दल समोरच्या व्यक्तीशी बोला, थोडा विचार करा आणि नीट विचार करूनच ती नोकरी करायची की नाही, याबद्दलचा निर्णय घ्या. CBSC 10th Results: 90 टक्के गुण मिळवणाऱ्या विद्यार्थ्यांच्या संख्येनं गाठला चार वर्षांचा उच्चांक; अकरावी प्रवेशासाठी रस्सीखेच प्रोफेशन नेटवर्क स्ट्राँग ठेवा नेटवर्किंग (Networking) हा तुमच्या प्रोफेशनल लाइफचा महत्त्वाचा भाग आहे. तुमचं प्रोफेशनल नेटवर्क स्ट्राँग असेल तेव्हाच तुमच्यासमोर जास्त संधी असतील. समविचारी लोकांशी जोडलं गेल्याने तुम्हाला करिअरसाठी उपयुक्त बरीच माहिती मिळते. तुम्हाला तुमच्या ओळखीच्या व्यक्तींद्वारे इतर संस्थांची माहिती मिळते, ज्याचा फायदा तुम्हाला नोकरी बदलताना होतो. पैशाला प्रायोरिटी नको तुमच्याकडे पैसा (Money) असो वा नसो, तुम्ही करिअरवर फोकस करत असताना पैशाला प्रायोरिटी मानू नका. तुम्ही तुम्हाला आवडणाऱ्या क्षेत्रात नोकरी शोधा किंवा तुम्हाला आवडत असेल असा व्यवसाय सुरू करा; पण तुम्हाला नोकरी किंवा व्यवसायात सुरुवातीला खूप पैसा मिळेल, असं नाही. त्यामुळे सुरुवातीची काही वर्षं तुम्हाला तुमच्या करिअरमध्ये काय करायचं आहे, यावर लक्ष केंद्रित करा आणि त्याच्याशी संबंधित आवश्यक सर्व गोष्टी शिकून घ्या. तुम्ही फक्त पैशांच्या मागे धावलात, तर तुम्ही करिअरमध्ये सेटल होऊ शकणार नाही. UIDAI ने रद्द केली 6 लाख Aadhaar Card, ‘या’ कारणामुळं सरकारनं उचललं पाऊल एकाच वेळी अनेक गोष्टी करणं टाळा अनेक प्रकारची कौशल्यं (Skills) शिकणं गरजेचं आहे; पण प्रोफेनल वर्ल्डमध्ये एकाच वेळी अनेक गोष्टी करणं टाळावं असा सल्ला दिला जातो. तुम्ही आवडत्या फिल्डमध्ये स्वतःला परिपूर्ण बनवा, त्यामुळे पोर्टफोलिओ प्रभावी होईल आणि तुमची योग्यता पाहून रिक्रूटर तुम्हाला नोकरी देण्याचा विचार सहजपणे करू शकतो.