मुंबई, 24 एप्रिल: संयुक्त प्रवेश परीक्षा (JEE) मुख्य 2023 सत्र 2 चा निकाल आज, 24 एप्रिल रोजी नॅशनल टेस्टिंग एजन्सी (NTA) द्वारे जाहीर केला जाऊ शकतो. निकाल अधिकृत वेबसाइट jeemain.nta.nic.in वर घोषित केला जाईल. उमेदवार त्यांचा नोंदणी क्रमांक वापरून निकाल पाहू शकतात. हा निकाल कसा बघायचा याबद्दल संपूर्ण स्टेप बाय स्टेप प्रोसेस आज आम्ही तुम्हाला सांगणार आहोत. NTA ने अजून निकालाची तारीख जाहीर केलेली नाही मात्र काही मीडिया रिपोर्टनुसार आजच निकाल जाहीर होऊ शकतो. JEE Mains 2023 सत्र 2 परीक्षा 2, 6, 8, 10, 11 आणि 12 एप्रिल 2023 रोजी घेण्यात आली होती, तर 13 आणि 15 एप्रिल राखीव तारखा ठेवण्यात आल्या आहेत. ही परीक्षा इंग्रजी, हिंदी, आसामी, बंगाली, गुजराती, कन्नड, मल्याळम, मराठी, ओडिया, पंजाबी, तमिळ, तेलगू आणि उर्दूसह 13 भाषांमध्ये घेण्यात आली. NCERT Recruitment: 1-2 नव्हे नॉन टिचिंग स्टाफच्या तब्बल 347 जागांसाठी बंपर भरतीची घोषणा; इथे बघा संपूर्ण डिटेल्स सत्र 2 च्या परीक्षेची तात्पुरती उत्तर की 19 एप्रिल रोजी प्रसिद्ध करण्यात आली होती आणि उमेदवारांना आक्षेप घेण्यासाठी 21 एप्रिलपर्यंत वेळ देण्यात आला होता. आता निकाल आणि अंतिम आन्सर की जाहीर होणार आहेत. NITs, IIITs आणि इतर केंद्रीय अनुदानित तांत्रिक संस्था (CFTIs) मध्ये BE आणि BTech सारख्या पदवीपूर्व अभियांत्रिकी कार्यक्रमांसाठी प्रवेश प्रथम JEE मेन 2023 च्या निकालांद्वारे निर्धारित केला जाईल. जेईई मेन पात्र ठरलेले आणि टॉप 2.5 लाखांमध्ये रँक असलेले उमेदवार विविध IIT मध्ये प्रवेश घेण्यासाठी JEE Advanced साठी अर्ज करण्यास पात्र असतील.
JEE Mains 2023 सत्र 1 ची परीक्षा 24, 25, 28, 29, 30, 31 आणि 1 फेब्रुवारी रोजी पूर्ण झाली. सत्र 1 चा निकाल 6 फेब्रुवारी रोजी जाहीर झाला. JEE मुख्य सत्र 1 साठी 9 लाखांहून अधिक उमेदवारांनी नोंदणी केली होती, त्यापैकी 8.6 लाखांनी पेपर 1 BE, B.Tech आणि इतरांनी पेपर 2 साठी नोंदणी केली होती. Success Story: कधीकाळी होते कॉलेज ड्रॉपआउट, 12वीनंतर सुरु केला स्वतःचा बिझनेस; आज आहे कोट्यवधींची कमाई असा तपासा तुमचा निकाल अधिकृत वेबसाइट jeemain.nta.nic.in वर जा. मुख्यपृष्ठावरील सत्र 2 निकालाच्या लिंकवर क्लिक करा. विनंती केलेली माहिती प्रविष्ट करा जसे की अर्ज क्रमांक इ. परिणाम स्क्रीनवर दिसून येईल. आता तपासा आणि प्रिंट काढा.