नवी दिल्ली, 25 एप्रिल : या महिन्यात अनेक सरकारी संस्थांमध्ये नोकरीसाठी भरती प्रक्रिया पार पडणार आहे. या ठिकाणी विविध रिक्त जागा भरल्या जाणार आहेत. यामध्ये बॉर्डर सिक्युरिटी फोर्स, केंद्रीय लोकसेवा आयोगाकडून भरती प्रक्रिया राबवली जाणार आहे. सरकारी नोकरीच्या शोधात असणाऱ्यांसाठी ही नोकरी मिळवण्याची सुवर्णसंधी आहे. जे सरकारी नोकरीसाठी इच्छुक उमेदवार आहेत, ते त्यांच्या पात्रतेनुसार खाली दिलेल्या पदांसाठी अर्ज करू शकतात. अर्ज करण्याची शेवटची तारीख व पदांबद्दलची तपशीलवार माहिती जाणून घ्या. BSF हेड कॉन्स्टेबल 247 RO आणि RM पदांसाठी भरती: बॉर्डर सिक्युरिटी फोर्सने (BSF) कम्युनिकेशन विंगमधील हेड कॉन्स्टेबल पदांसाठी ऑनलाइन नोंदणी प्रक्रिया सुरू केली आहे. इच्छुक उमेदवार BSF च्या rectt.bsf.gov.in या रिक्रुटमेंट पोर्टलवर अर्ज करू शकतात. BSF च्या हेड कॉन्स्टेबल भरतीसाठी नोंदणी करण्याची अंतिम तारीख 12 मे आहे. या भरती मोहिमेद्वारे, BSF चे एकूण 247 रेडिओ ऑपरेटर (RO) आणि रेडिओ मेकॅनिक (RM) पदं भरली जातील.यामध्ये हेड कॉन्स्टेबलच्या (रेडिओ मेकॅनिक) 30 जागा आणि हेड कॉन्स्टेबल (रेडिओ ऑपरेटर) च्या 217 जागा आहेत. 1,261 पदांसाठी UPSC CMS परीक्षेची नोंदणी सुरू: केंद्रीय लोकसेवा आयोगाने (UPSC) कम्बाईन्ड मेडिकल सर्व्हिसेस एक्झाम (CMS) 2023 साठी ऑनलाइन अर्ज प्रक्रिया सुरू केली आहे. इच्छुक उमेदवार upsconline.nic.in वर अर्ज भरू शकतात. UPSC CMS परीक्षेचा फॉर्म सबमिट करण्याची शेवटची तारीख 9 मे आहे. हे ही वाचा- मेट्रोत मेगा भरती? मुंबई महा मेट्रोने जाहिरातीबाबत केला खुलासा आयोग इंडियन ऑर्डिनन्स फॅक्टरी, भारतीय रेल्वे, नवी दिल्ली नगरपरिषद आणि दिल्ली महानगरपालिका यासारख्या अनेक सरकारी ऑर्गनायझेशनमध्ये मेडिकल अधिकाऱ्यांच्या भरतीसाठी एकत्रित वैद्यकीय सेवा परीक्षा घेतो. उमेदवारांची निवड मल्टि-टायर प्रोसेसमध्ये त्यांच्या कामगिरीच्या आधारावर केली जाईल. ज्यामध्ये लेखी परीक्षा आणि त्यानंतर मुलाखतीचा समावेश आहे. याद्वारे एकूण 1,261 रिक्त जागा भरल्या जातील. बीसीईसीईबीमध्ये 10,101 पदांसाठी भरती: बिहार कम्बाईन्ड एन्ट्रन्स कॉम्पिटिटीव्ह एक्झामिनेशन बोर्डाने (BCECEB) अमीन, असिस्टंट सेटलमेंट ऑफिसर, क्लार्क आणि इतर पदांसाठी भरती प्रक्रिया सुरू केली आहे. अधिकृत सूचनेनुसार, यासाठी अर्ज सादर करण्याची अंतिम तारीख 12 मे आहे. उमेदवार रिक्त पदांसाठी bceceboard.bihar.gov.in वर अर्ज करू शकतात. अॅप्लिकेशन प्रोसेस बंद झाल्यावर करेक्शन फॅसिलिटी 18 मे ते 20 मे या कालावधीत उघडेल. यात एकूण 10,101 रिक्त जागा भरल्या जातील. वयोमर्यादा, शैक्षणिक पात्रतेसह इतर निकषांची माहिती मिळवण्यासाठी उमेदवारांनी रिक्रुटमेंट नोटिफिकेशन वाचावे.