स्कूल बसच्या शुल्कात होणार वाढ
मुंबई, 08 ऑक्टोबर: सीएनजीच्या दरात झालेल्या ताज्या वाढीनंतर, महाराष्ट्रातील स्कूल बस मालकांच्या संघटनेने दिवाळीनंतर भाडे 10 टक्क्यांनी वाढवण्याची योजना आखली आहे. या निर्णयाची अधिकृत घोषणा लवकरच केली जाईल. प्रस्तावित दरवाढीमुळे मासिक भाडे किमान 200 रुपयांनी वाढेल. मध्य-वर्षाच्या बस शुल्क वाढीमुळे पालकांना पर्याय उरणार नाही. “गेल्या वर्षभरात सीएनजीच्या किमतीत 30 रुपयांनी वाढ झाली आहे आणि 4 ऑक्टोबरच्या ताज्या वाढीमुळे किंमत 86 रुपये प्रति किलो या सर्वकालीन उच्चांकावर पोहोचली आहे. यामुळे ऑपरेशनल खर्चात वाढ झाली आहे, म्हणूनच आम्ही स्कूल बसची फी किमान 10 टक्क्यांनी वाढवण्याची मागणी करत आहोत,” स्कूल बस मालकांच्या संघटनेचे सदस्य अनिल गर्ग यांनी एका अग्रगण्य वृत्ताला सांगितले. घाई करा! तब्बल 1 लाख रुपये महिना पगाराची सरकारी नोकरी; अर्जाला अवघे 2 दिवस शिल्लक महाराष्ट्र नवनिर्माण वाहतुक सेनेचे अध्यक्ष संजय नाईक यांनी अग्रगण्य दैनिकाला सांगितले की, सीएनजी दरवाढीचा बोजा बसेसव्यतिरिक्त छोट्या व्हॅन व इतर वाहनांनाही सहन करावा लागत आहे. ते पुढे म्हणाले की, खाजगी ऑपरेटरने दर वाढवणे न्याय्य आहे कारण अलिकडच्या काही महिन्यांत ऑपरेशनचा खर्च प्रचंड वाढला आहे. दुसरीकडे, भाडे नुकतीच 20 टक्क्यांनी वाढवण्यात आल्याने भाडेवाढीमुळे त्यांच्या खिशावर आणखी ताण पडेल, अशी भीती पालकांना आहे. स्कूल बसच्या भाड्यात वाढ झाल्यास जूननंतरची ही दुसरी भाडेवाढ होईल. पालकांच्या म्हणण्यानुसार, शाळांनी स्कूल बसेसच्या जबाबदारीपासून लांब पाऊल टाकले आहे, असे राष्ट्रीय दैनिकाने वृत्त दिले आहे. पालकांनी सांगितले की मासिक किंवा त्रैमासिक पेमेंट पर्याय असणे आवश्यक आहे जे आवश्यक असल्यास नूतनीकरण केले जाऊ शकते. काय सांगता! पात्रता 7वी पास अन् पगार तब्बल 47,000 रुपये महिना; थेट हायकोर्टात नोकरी महानगर गॅस लिमिटेडने सीएनजीच्या किमतीत 6 रुपये/किलोने वाढ केली आहे. 1 ऑक्टोबरपासून सरकारने इनपुटच्या किमतीत 40 टक्के वाढ केली आहे. सीएनजीबरोबरच, पाइपलाइन असलेल्या नैसर्गिक वायूच्या किमतीतही 6 रुपये/किलो वाढ करण्यात आली आहे. दरवाढीनंतर, सीएनजी आणि घरगुती पीएनजीची किरकोळ किंमत अनुक्रमे 86 रुपये/किलो आणि रुपये 52.50/एससीएम झाली आहे.