Pink elephant video : अद्भुत! कॅमेऱ्यात कैद झाला गुलाबी हत्ती; कधीच पाहिला नसेल असा दुर्मिळ VIDEO

मुंबई, 25 फेब्रुवारी : हत्ती चा रंग कोणता असं विचारलं तर तुम्ही करडा म्हणाल. पण कधी गुलाबी हत्ती पाहिला आहे का? हत्ती आणि गुलाबी, कसं काय असू शकेल, गुलाबी हत्ती असूच शकत नाही, असंच तुम्ही म्हणाल. पण अशाच पिंक एलिफन्टचा व्हिडीओ सोशल मीडियावर तुफान व्हायरल होतो आहे. गुलाबी हत्तीने सर्वांचं लक्ष वेधून घेतलं आहे.

प्राण्यांचे बरेच व्हिडीओ सोशल मीडियावर व्हायरल होत असतात. यामध्ये हत्तींचेही व्हिडीओ असतात. आतापर्यंत तुम्ही हत्तींच्या पिल्लांचे मजेशीर व्हिडीओ पाहिले असतील. पण असा गुलाबी क्युट हत्ती कधीच नाही.  नदीच्या पाण्यात पोहोणारा हा गुलाबी हत्ती. असा हत्ती तुम्ही आजवर आयुष्यात कधीच पाहिला नसेल. हत्ती दुर्मिळ असं रूप, ज्याने सर्वांचं लक्ष वेधून घेतलं आहे. या गुलाबी हत्तीकडे सर्वजण आकर्षित होत आहेत.

MALA MALA GAME RESERVE युट्यूबवर हा व्हिडीओ व्हायरल होतो आहे. व्हिडीओत तुम्ही पाहू शकता नदीच्या पाण्यात काही हत्तींचा कळप आहे. बहुतेक हत्ती मोठे आहेत. पण त्यांच्यासमोर एक छोटा हत्ती आहे. ज्याचा रंग इतर हत्तींपेक्षा वेगळा आहे. बाकीचे हत्ती करड्या रंगाचे असताना हत्तीचं हे छोटंसं पिल्लू मात्र गुलाबी रंगाचं आहे. हा हत्ती पाण्यात पोहोण्याचा प्रयत्न करत आहे, पाण्यात खेळत आहे. हे दृश्य दुर्मिळ असल्याचं सांगितलं जातं आहे.  हे दृश्य मलावठी ओपन एरियातील असल्याचं सांगितलं जातं आहे. पण खरंच या हत्तीच्या त्वचेचा नैसर्गिक रंग गुलाबी आहे की आणखी काही कारण आहे,  हे स्पष्ट झालेलं नाही.

जवळपास  11 वर्षापूर्वी  दक्षिण आफ्रिकेच्या बोत्सवाना देशात एक छोटा गुलाबी हत्ती दिसला होता. 80 हत्तींच्या कळपात हत्तीचं हे अनोखं पिल्लू होतं. हत्तींचा कळप ओकावेंगा नदीजवळून जाताना दिसला होता. तज्ज्ञांच्या मते, तो एल्बिनो प्रजातीचा हत्ती असावा, जे दक्षिण आफ्रिकेच्या जंगलात खूपच दुर्मिळ आहेत. तज्ज्ञ डॉ. माइक चेस म्हणाले होते, आम्ही गेल्या 10 वर्षांपासून या क्षेत्रातील हत्तींचा अभ्यास करत आहोत. पण पहिल्यांदाच आम्ही गुलाबी रंगाचं हत्तीचं पिल्लू पाहिलं. तीव्र सूर्यकिरणांमुळे हे पिल्लू अंध होणं आणि त्याला त्वचासंबंधी आजार होण्याचीही शक्यता आहे.

हा व्हिडीओ पाहिल्यानंतर त्यावर बऱ्याच कमेंट येत आहेत. आपण या हत्तीला पहिल्यांदाच पाहिलं, हे दुर्मिळ दृश्य आहे अशी प्रतिक्रिया बऱ्याच युझर्सनी दिली आहे. तर काही जणांनी या हत्तीच्या पिल्लाबाबत चिंताही व्यक्त केली आहे.

तुम्हाला हा व्हिडीओ पाहून काय वाटलं ते आम्हाला आमच्या सोशल मीडियाच्या कमेंट बॉक्समध्ये नक्की सांगा.

• Follow us on