)
नवी दिल्ली, 26 मार्च : आई होणं हे जगातील सर्वात मोठं आणि सुंदर सुख असतं. 9 महिने आपल्या गर्भात बाळ वाढवून, त्रास सहन करुन आपल्या मुलाला जन्म देणाऱ्या आईला देवासमान मानलं जातं. त्यामुळे जीवनात आईचा दर्जा हा कायमच मोठा असतो आणि राहणार. फक्त आईच आपल्या लेकरांवर निस्वार्थ प्रेम करु शकते. आई आणि तिच्या बाळाचे अनेक मजेशीर, भावूक व्हिडीओ आत्तापर्यंत समोर आले आहेत. यामध्ये आणखी एका व्हिडीओची भर पडली आई आणि नवजात मुलाचा एक भावूक व्हिडीओ समोर आलाय. सध्या समोर आलेल्या व्हिडीओमध्ये एका महिलेने नवजात बाळाला जन्म दिल्याचं दिसत आहे. तिचा डिलिव्हरीनंतरचा एक व्हिडीओ समोर आलाय. बाळाला आईजवळ आणताच बाळाने आईला मिठी मारल्याचं दिसतंय आणि बाळ आईला सोडायला तयार नाही. सहसा जन्मलेल्या मुलाला हातपाय हलवताही येत नाही मात्र बाळ आईला पकडून ठेवत आहे. आईदेखील आपल्या बाळाकडे पाहताना भावूक झालेली दिसत आहे. हा व्हिडीओ सध्या सोशल मीडियावर जोरदार व्हायरल होतोय.
@TheFigen_ नावाच्या ट्विटर अकाऊंटवर हा हृदयस्पर्शी व्हिडीओ शेअर करण्यात आला आहे. 22 सेकंदांचा हा व्हिडीओ सध्या सोशल मीडियावर सगळ्यांचं लक्ष वेधून घेत आहे. व्हिडीओवर खूप कमेटंही येत आहेत. अनेजण हा व्हिडीओ पाहून भावुक झाले आहेत तर काहीजण हा व्हिडीओ एडिटेड असल्याचं म्हणत आहेत.
दरम्यान, सोशल मीडियावर असे व्हिडीओ यापूर्वीही समोर आले आहेत. ज्यामधून आई आणि बाळाची बॉन्डिंग, खास कनेक्शन दिसून येईल. सध्या हा व्हिडीओ सोशल मीडियावर सर्वांचं लक्ष वेधत आहे. व्हिडीओवर लाईक्सचा वर्षाव होत आहे.
+6
फोटो
