Shocking! हा Mobile Number नव्हे तर मृत्यू; ज्याने ज्याने वापरला त्याचा गेला जीव

2000 ते 2005 साली या नंबरमुळे 3 लोकांचा मृत्यू झाला. या नंबरचा पहिल्यांदा वापर करणारी व्यक्ती व्लादिमीर ग्राशनोव (Vladimir Grashnov). तो बल्गेरियातील मोबिटेल (Bulgarian Mobitel) नावाच्या कंपनीचा सीईओ होता. हा मोबाईल नंबर वापरल्यानंतर वर्षभरातच वयाच्या 48 व्या वर्षी त्याचा मृत्यू झाला. त्याचा मृत्यू कॅन्सरमुळे झाल्याचं सांगण्यात आलं. पण त्याच्या प्रतिस्पर्ध्यांनी त्याला रेडिओअॅक्टिव्ह विष दिल्याच्या अफवाही पसरल्या होत्या. या नंबर वापर करणारी दुसरी व्यक्ती दिमेत्रोव. तो एक माफिया डिलर होता. हा फोन नंबर घेतल्यानंतर काही कालावधीतच त्याची हत्या झाली. त्यानंतर 2005 साली बुल्गेरियातील एका व्यापाऱ्याने हा नंबर घेतला आणि त्याचीही हत्या झाली. त्याच्यावर कोकिन तस्करीचा आरोप होता.

हे वाचा - दुचाकी खरेदी करण्यासाठी 1 रुपयाची 2.6 लाख नाणी घेऊन शोरूममध्ये पोहोचला तरुण, पुढे काय घडलं वाचा

आता ज्या नंबरने या लोकांचा जीव घेतला तो नंबर कोणता हे जाणून घेण्याची उत्सुकता तुम्हाला असेलच. हा नंबर होता 0888888888. नंबर  थोडा वेगळा असल्याने VIP वाटत होता म्हणूनच कदाचित लोक हा नंबर अलॉट करत होते.हा फोन नंबर बुल्गारियातील आहे.  या नंबरवर कंपनीकडून कोणत्याच प्रकारची प्रतिक्रिया आली नाही. तीन मृत्यूनंतर हा नंबर सस्पेंड करण्यात आला. सलग अशा तीन घटना घडल्यानंतर या नंबरला हंडेट, अशुभ नंबर मानण्यात आलं. सोशल मीडियावर या नंबरची खूप चर्चा आहे.