एक सिगारेट पेटवण्यासाठी जीवाशी खेळ; बाईकच्या टाकीला आग लावली आणि... Shocking video

मुंबई, 21 जुलै: जगात असे काही लोक असतात ज्यांना काहीतरी नवीन, हटके आणि तुफानी करायचं असतं. यासाठी अगदी ते आपल्या जीवाचीही पर्वा करत नाही. सध्या अशाच एका तरुणाचा व्हिडीओ सोशल मीडियावर (Social media) व्हायरल (Viral video) होतो आहे. ज्यांना काहीतरी तुफानी करण्याच्या नादात आपला जीव धोक्यात घातला आहे. एकप्रकारे जीवाशीच त्याने खेळ केला आहे.

या तरुणाने एका जीवघेण्या पद्धतीने सिगारेट पेटवण्याचा प्रयत्न केला (Man lighting cigarette on bike tank fire). त्याने लायटरने नाही तर चक्क बाईकच्या (Bike) टँकला आग लावून त्यावर सिगारेट पेटवली आहे. व्हिडीओ पाहून तुमच्याही काळजाचा ठोका चुकेल (Shocking video).

View this post on Instagram

A post shared by memes | news | comedy (@ghantaa)

व्हिडीओत पाहू शकता तरुणाने आपल्या तोंडात सिगारेट धरली आहे. त्यानंतर तो लायटर हातात घेतो आणि त्याने सिगारेट पेटवत नाही तर बाइकची टाकी उघडून तिथं आग लावतो. त्यानंतर सिगारेट ठेवलेलं आपलं तोंड या आगीजवळ नेतो आणि त्यावर सिगारेट पेटवतो. असं काहीतरी कऱण्यात या तरुणाला मजा वाटत असेल. आपण काहीतरी डेअरिंगबाज कृत्यं करत आहोत, याचा गर्वही त्याला वाटत असेल. पण तो जे काही करतो आहे, ते जीवघेणंही ठरू शकतं.

हे वाचा - Shocking video! धुराचे लोट सोडत हवेत उडून जमिनीवर धाडकन कोसळली कार; भयंकर अपघातातूनही बचावला ड्रायव्हर

ghantaa इन्स्टाग्राम अकाऊंटवरून हा व्हिडीओ पोस्ट करण्यात आला आहे. काही जणांनी या तरुणाच्या हिंमतीला दाद दिली आहे. तर काहींनी चिंता व्यक्त केली आहे. तर काही जण मजेशीर कमेंटही करत आहेत. अशा संमिश्र प्रतिक्रिया हा व्हिडीओ पाहून येत आहेत.