व्हिलचेअरसह रेल्वे ट्रॅकवर पडली अपंग व्यक्ती; समोरून धडधड करत आली ट्रेन आणि...; काळजाचा ठोका चुकवणारा VIDEO

वॉशिंग्टन, 06 ऑगस्ट : रेल्वे अपघाताचे (Rail accident) बरेच व्हिडीओ सोशल मीडियावर (Social media) व्हायरल (Viral video) होत असतात. असाच हा आणखी एक काळजाचा ठोका चुकवणारा व्हिडीओ. ज्यामध्ये एक अपंग व्यक्ती रेल्वे ट्रॅकवर पडली (Man falls on metro tracks with wheelchair). काही वेळातच ट्रेन येणार होती. या व्यक्तीच्या मदतीला दुसरी व्यक्ती उतरली आणि इतक्यात धडधड करत ट्रेन आली. व्हिडीओ पाहून तुमच्या हृदयाचीही धडधड वाढेल (Shocking video).

@SubwayCreatures ट्विटर अकाऊंटवर हा व्हिडीओ पोस्ट केला आहे. व्हिडीओ पाहून अंगावर अक्षरश: काटा येतो. आता काय होईल, काय नाही, अशीच भीती वाटते. न्यूयॉर्कमधील ही धक्कादायक घटना आहे.

This afternoon in Union Square a man in a wheelchair somehow ended up on the subway tracks. Luckily, a Good Samaritan jumped down and rescued the man about 10s before the train came into the station. Huge shoutout to whoever the guy is who jumped down to help! #subwaycreatures pic.twitter.com/Uhx2drg2NH

— Rick (@SubwayCreatures) August 4, 2021

व्हिडीओत पाहू शकता एक अपंग व्यक्ती व्हिलचेअरसकट रेल्वे ट्रॅकवर पडली. ती ट्रॅकच्या मधोमध अडकली होती. एक व्यक्ती त्याला वाचवण्यासाठी ट्रॅकवर उतरला. काही वेळातच ट्रेन येणार होती. अपंग व्यक्तीला ट्रॅकवरून हटवण्याची धडपड सुरू होते. कसंबसं करून त्याला बाहेर काढलं जातं.

हे वाचा - National Highway वरुन खाजगी बस घसरली आणि...; 24 प्रवाशांचा जीव टांगणीला

एक महिला ट्रेनकडे लक्ष ठेवून आहे. ट्रेन यायला फक्त 10 सेकंद शिल्लक होते. अपंग व्यक्तीला सर्वात आधी ती व्यक्ती प्लॅटफॉर्मवर चढवते आणि मग स्वतः प्लॅटफॉर्मवर चढते. त्यानंतर दुसऱ्या बाजून धडधड करत ट्रेनही येताना दिसते. सुदैवाने ट्रेन यायच्या आधीच दोघंही प्लॅटफॉर्मवर असतात. पण हा व्हिडीओ पाहतात काळजाचा ठोका मात्र चुकतो.