)
मुंबई, 07 जानेवारी : देशातील सर्वात लोकप्रिय हेअर स्टायलिस्टमधील एक असलेल्या जावेद हबीब (Jawed Habib) याच्याकडून हेअर स्टाइल करून घ्यावी, असं स्वप्नं काही लोकांचं असतं. पण जावेद हबीबचा एक व्हिडीओ सोशल मीडियावर व्हायरल झाला**(Jawed Habib video)** आणि त्यानंतर मात्र त्याच्याकडून आपण कधीच हेअरस्टाइल करून घेणार नाही, अशा प्रतिक्रिया सोशल मीडियावर उमटू लागल्या. याचं कारण म्हणजे या व्हिडीओत जावेद हबीब चक्क एका महिलेच्या डोक्यावर थुंकताना दिसले. हा व्हिडीओ सोशल मीडियावर व्हायरल होताच त्यांच्यावर टीकेची झोड उठली. आता जावेद हबीबने आपला एक व्हिडीओ पोस्ट करत याबाबत स्पष्टीकरण दिलं आहे. एका ट्रेनिंग क्लासदरम्यान जावेद हबीब एका महिलेच्या डोक्यावर थुंकला (Jawed Habib Spitting on Woman’s Hair). व्हिडिओमध्ये एक महिला सलूनमध्ये खुर्चीवर बसलेली दिसते. ट्रेनिंग सेमिनारमध्ये उपस्थित लोकांना टिप्स देताना जावेद हबीब हलगर्जीपणा करत महिलेच्या डोक्यावरील केसांमध्ये थुंकतो आणि म्हणतो, की जर पाण्याची कमी असेल तर या थुंकीत ताकद आहे.
व्हिडिओमध्ये जावेद हबीब ज्या महिलेच्या केसांवर थुंकला, ती बागपतच्या बडौत येथील असल्याचं सांगितलं जात आहे. मात्र हा व्हिडिओ नेमका किती तारखेचा आहे, हे समोर आलेलं नाही. हे वाचा - बापरे! हा नवा व्हायरस की आणखी काही? पाहा या छिद्र असलेल्या हातामागील नेमकं सत्य हे पाहून तिथे उपस्थित काही लोक हसतात आणि टाळ्या वाजवतात. मात्र काही लोकांना त्याचं हे कृत्य अजिबातही आवडलं नाही. व्हिडिओ व्हायरल झाल्यानंतर व्हिडिओमधील महिलाही आपला अपमानास्पद अनुभव शेअर करण्यासाठी पुढे आली. एका व्हिडिओमध्ये तिने म्हटलं की ‘जर सार्वजनिकरित्या ते डोक्यात थुंकत असतील तर आपल्या प्रोडक्टमध्ये ते काय वापरत असतील हे आपण सांगूच शकत नाही. जावेद हबीब सलूनमध्ये केवळ मुर्ख व्यक्तीच केस कापेल. मी गल्लीतल्या छोट्या दुकानात माझे केस कापेल, पण कधीच जावेद हबीबच्या शॉपमध्ये जाणार नाही’ हा व्हिडीओ सोशल मीडियावर व्हायरल होऊन टिका होऊ लागल्यानंतर जावेद हबीब यांनी आपल्या इन्स्टाग्राम अकाऊंटवर एक व्हिडीओ पोस्ट केला आहे.
This is Javed Habeeb... Spitting instead of using water... absolutely horrible 🤮🤬 pic.twitter.com/8s7xaE8qfO
— Kungfu Pande 🇮🇳 (Parody) (@pb3060) January 5, 2022
तो म्हणाला, माझ्या सेमिनारमध्ये काही शब्दांमध्ये काही लोकांच्या भावना दुखावल्या आहेत. मी एकच गोष्ट सांगेन आमचे जे सेमिनार असतात ते प्रोफेशनल सेमिनार असतात. म्हणजे आम्ही आमच्या प्रोफेशननुसार काम करतो आणि आमचे शो खूप मोठे असतात. त्यामुळे ह्युमरस बनवावा लागतो. पण जर तुमच्या भावना दुखावल्या असतील तर मला माफ करा, मी मनापासून माफी मागतो. हे वाचा - सैफ अली खान आणि करीना कपूरने खुलेआम केली मोठी चूक; VIDEO पाहताच नेटिझन्स संतप्त जावेदने माफी मागितली असली तरी त्याने थुंकीचा उल्लेख कुठेच केला नाही आहे. काही शब्दांमुळे भावना दुखावल्या आहेत, त्यासाठी मी माफी मागतो असं तो म्हणाले आहे. शिवाय त्याने कमेंट सेक्शनही बंद केलं आहे.
+6
फोटो
