)
नवी दिल्ली, 06 मार्च: दररोज सोशल मीडियावर हजारो व्हिडीओ व्हायरल (Viral Video) होत असतात. पण त्या हजारो व्हिडीओत एखादाच व्हिडीओ असा असतो, जो आपल्याला विचार करायला भाग पाडतो. असाच एक व्हिडीओ सध्या सोशल मीडियावर प्रचंड व्हायरल होत आहे. ज्यामध्ये एक महिला वाहतूक पोलीस अधिकारी (Women traffic Police Officer) आपल्या अवघ्या काही महिन्यांच्या बाळाला (Doing job with her new born baby ) कुशीत घेत आपली सेवा बजावताना दिसत आहे. सध्या मार्च महिना सुरू झाला आहे. उन्हाळ्याची चाहुल लागली असून अंगाला भीषण चटके जाणवायला सुरूवात झाली आहे. असं असताना आपल्या चिमुकल्या बाळाला घेऊन या वाहतूक पोलीस अधिकारी आपली सेवा बजावत आहे. त्याचा हा व्हिडीओ उत्तर प्रदेशातील पोलीस कॉन्स्टेबल सचिन कौशिक यांनी ट्विटरवर शेअर केला आहे. त्यांनी हा व्हिडीओ शेअर करताना लिहिलं की, ‘ममत्व आणि कर्तव्याचा संगम.’ हा व्हिडीओ चंदीगड येथील असल्याचं समजत आहे. हा व्हिडीओ आंतरराष्ट्रीय महिला दिन काही दिवसांवर आला असताना समोर आला आहे. त्यामुळे खऱ्या अर्थाने महिलांची कणखर बाजू समोर येताना दिसत आहे.
ममत्व और कर्तव्य का संगम !!❤️#Chandigarh #Khaki #JaiHind pic.twitter.com/mQo4ODujgt
— SACHIN KAUSHIK (@upcopsachin) March 5, 2021
हातात चिमुकलं बाळ घेवून ऊन, वारा, वाहनांचा कर्कश आवाज, प्रदुषण अशा सर्व समस्या असताना ही महिला शांतपणे आपलं कर्तव्य बजावत आहे. तिच्या या कर्तृत्वाचं अनेकांनी कौतुक केलं आहे. पण अनेकांनी पोलीस प्रशासनातील दुरावस्थेवर टिका केली आहे. एका वापरकरत्याने प्रतिक्रिया देत, संबंधित महिलेची ड्युटी वाहतूक विभागाच्या ऑफिसमध्ये लावायला हवी, जेणेकरून तिची आणि बाळाची तारांबळ उडणार नाही. कारण संबंधित महिला जरी तिचं कर्तव्य पार पाडत असली तरी बाळाला विनाकारण उन्हात राहावं लागत आहे.
उच्चाधिकारियों को कृपया ध्यान देना चाहिए महिला कांस्टेबल तो अपनी ड्यूटी कर रही है लेकिन वो बच्चा इस धूप मैं क्यों कष्ट झेल रहा है।कहीं किसी आफिस मैं पोस्ट हो जाये तो बच्चे को राहत मिल जाये।
— Gandhar gandhar (@arvindgandhar3) March 6, 2021
एकीकडे सेवा बजावत असताना, दुसरीकडे बाळाच्या आरोग्याशी खेळलं जात आहे, अशी प्रतिक्रियाही एकाने दिली आहे. सचिन कौशिक यांनी शेअर केलेला हा व्हिडीओ सोशल मीडियावर चांगलाच व्हायरल होत आहे. आतापर्यंत या व्हिडीओला जवळपास 14 हजार लोकांनी पाहिलं आहे. तर जवळपास दीड हजार लोकांनी या व्हिडीओला पसंती दर्शवली आहे.
+6
फोटो
