)
नवी दिल्ली, 14 मे : सोशल माध्यमांवर दिवसभरात अनेक गोष्टी व्हायरल होतात. यामध्ये अनेक मजेशीर, विचित्र, धक्कादायक, भावुक करणारे व्हिडीओ पहायला मिळतात. सध्या असाच एक भावुक करणारा व्हिडीओ समोर आलाय जो पाहून तुमच्याही डोळ्यात पाणी येईल. या व्हिडीओने सध्या सोशल मीडियावर सर्वांचं लक्ष वेधलं आहे. सध्या अमृतसरचा एक व्हिडिओ व्हायरल होत आहे. हा व्हिडिओ लोकांच्या हृदयाला भिडला आहे. आपलं पोट भरण्यासाठी एक वृद्ध व्यक्ती रस्त्यावर लिंबू सोडा विकत आहे. यांचा भावुक व्हिडीओ अनेकांच्या मनाला स्पर्श करुन जात आहे.
व्हिडीओमधील वृद्ध शीख अमृतसरच्या सुवर्ण मंदिराजवळ हातगाडी ठेवतात, ज्यांचे वय 80 आहे. ते 25 वर्षांपासून लिंबू सोडा विकत आहेत. त्यांना कोणी मुलगी मुलगी नसल्याने पोटाची खळगी भरण्यासाठी भीक मागण्यापेक्षा मला प्रामाणिकपणे काम करून उदरनिर्वाह करायला आवडते, असे ते सांगतात. 80 वर्षांच्या या आजोबांची दृष्टी कमी झाली आहे. त्यांना नीट ऐकू येत नाही, त्यांचे गुडघे काम करत नाहीत, तरीही ते या उन्हाळ्यात दिवसभर सोडा कार्ट घेऊन जातात. त्यांच्या हसण्याला आणि मेहनतीला मनापासून सलाम.
Let's Call The Day Praising Babaji From Sri Amritsar Sahib Selling Lemon Soda On Streets,80Years Of Age, His Eyesight Is Poor, Can't Hear Properly, Knees Don't Work,Still Carries Soda Cart For Whole Day Under Scorching Heat
— ਹਤਿੰਦਰ ਸਿੰਘ (@Hatindersinghr3) May 6, 2023
His Smile Is Heartbreaking
Salute To His Hardwork
🙏💔 pic.twitter.com/qK8EVBerHQ
@Hatindersinghr3 नावाच्या ट्विटर अकाऊंटवर हा व्हिडीओ शेअर करण्यात आला आहे. व्हिडीओवर खूप सारे लाईक्स आणि कमेंट येत आहेत. लोक त्यांना मदत करण्यासाठी कमेंट करत त्यांच्या पर्यंत पोहोचण्याचा पत्ता विचारत आहेत. ते मोबाईल वापरत नसल्यामुळे त्यांच्यापर्यंत पोहोचणं थोडं अवघड होत असल्याचं व्हिडीओ शेअर करणाऱ्या व्यक्तीने सांगितलं.
+6
फोटो
