)
नवी दिल्ली, 27 फेब्रुवारी : सोशल मीडियावर दिवसभरात भरपूर व्हिडीओ व्हायरल होतात. यामध्ये निरनिराळ्या प्रकारचे व्हायरल व्हिडीओ पहायला मिळातात. मजेशीर, भावनिक, विचित्र, धक्कादायक व्हिडीओ सोशल मीडियावर नेहमीच सगळ्यांचं लक्ष वेधून घेतात. मात्र काही काळापासून असे काही व्हिडीओ व्हायरल होत आहेत ज्यामध्ये अचानक लोकांचे मृत्यू होत आहेत. अन्न खाताना, व्यायामशाळेत व्यायाम करताना किंवा नाचत असतानाही लोकांचा अचानक मृत्यू झाल्याच्या घटना समोर आल्या. यामध्ये आता आणखी एका व्हिडीओची भर पडली आहे. सध्या व्हायरल व्हिडीओमध्ये, अचानक एका तरुणाचा डान्स करताना जीव गेल्याचा प्रकार घडला आहे. तेलंगणामध्ये आपल्या नातेवाईकाच्या लग्नात नाचत असताना हृदयविकाराच्या झटक्याने एका तरुणाचा मृत्यू झाला. त्यांचे वय अवघे 19 वर्षे होते. ही घटना शनिवारी रात्री घडली. हैदराबादपासून सुमारे 200 किमी अंतरावर असलेल्या निर्मल जिल्ह्यातील पारडी गावात एका नातेवाईकाच्या लग्नाच्या रिसेप्शनमध्ये आलेला तरुण महाराष्ट्राचा रहिवासी होता. या घटनेचा व्हिडिओ सोशल मीडियावर व्हायरल होत आहे.
19 year old Muthyam from #Maharashtra died of sudden cardiac arrest while dancing in a wedding in #Telangana pic.twitter.com/k6SRbZu1X4
— ABS (@iShekhab) February 26, 2023
व्हिडिओमध्ये हा तरुण सेलिब्रेशनच्या मूडमध्ये दिसत आहे आणि पाहुण्यांच्या उपस्थितीत तो त्याच्या आवडत्या गाण्यावर डान्स करत आहे. नाचत असताना तो अचानक खाली पडला. पाहुण्यांनी त्याला रुग्णालयात नेले, तेथे डॉक्टरांनी त्याला मृत घोषित केले. या तरुणाला हृदयविकाराचा झटका आला असावा, असे डॉक्टरांनी सांगितले. तेलंगणातील चार दिवसांतील ही दुसरी घटना आहे. 22 फेब्रुवारी रोजी हैदराबादमधील जिममध्ये व्यायाम करताना 24 वर्षीय पोलीस कॉन्स्टेबलचा हृदयविकाराच्या झटक्याने मृत्यू झाला.
दरम्यान, हृदयविकाराच्या झटक्याने मृत्यू होण्याचं प्रमाण वाढलं आहे. अचानकपणे झटका येऊन लोकांचा थेट जीव जातोय. त्यामुळे हा चिंतेचा प्रश्न झाला आहे. सध्या समोर आलेला व्हिडीओ @iShekhab नावाच्या ट्विटक अकाऊंटवर शेअर करण्यात आला आहे. या व्हिडीओवर नेटकऱ्यांच्या प्रतिक्रिया येत आहेत.
+6
फोटो
