)
मद्रिद, 15 एप्रिल : स्पेनची ५० वर्षीय एथलीट बेअट्रिज फ्लेमिनी शुक्रवारी दीड वर्षानंतर गुहेतून बाहेर आली. गिर्यारोहक असणारी फ्लेमिनी तब्बल ५०० दिवस गुहेत एकटी राहिला. बाहेरच्या जगाशी तिचा आजिबात संपर्क नव्हता. ग्रनाडाच्या बाहेर असणाऱ्या गुहेत ती इतके दिवस राहिली. फ्लेमिनी २० नोव्हेंबर २०२१ रोजी गुहेत गेली होती. त्यावेळी युक्रेन-रशिया युद्धाला सुरुवात झाली होती. स्पेनमध्ये कोरोनामुळे सुरु असलेली मास्क सक्ती उठवण्यात आली होती. दीड वर्षे गुहेत व्यतीत करणारी फ्लेमिनी म्हणते की ‘मी अजूनही २०-२१ नोव्हेंबरमधेच अडकले आहे. मला बाहेरच्या जगाबद्दल काहीच माहिती नाहीय. ’ काही सायकॉलॉजिस्ट, रिसर्चर आणि स्पीलियोलॉजिस्टनी एकत्र येत एक संशोधन केलं. त्याच्या माध्यमातून संशोधकांना जाणून घ्यायचं होतं की, मानवी शरीर आणि मेंदुची क्षमता किती आहे. या शोधातून कुणीच नसलेल्या ठिकाणी राहिल्यानंतर मानवाच्या शरीरात आणि त्याच्या वागण्या-बोलण्यात काय फरक पडतो हे जाणून घेण्यात आलं. जपानच्या पंतप्रधानांवर हल्ला, भाषण सुरू असतानाच झाला स्फोट; VIDEO व्हायरल दक्षिण स्पेनमध्ये गुहेतून बाहेर आल्यानंतर तीव्र प्रकाशापासून वाचण्यासाठी बेअट्रिज फ्लेमिनीने काळा चष्मा घातला होता. यावेळी बोलताना ती म्हणाली की, मला बाहेर यायची इच्छा नव्हती. ते माझ्याकडे आले तेव्हा मी झोपले होते. मला वाटलं काहीतरी झालं असावं. मी माझं पुस्तकही वाचून संपवलं नाहीय.
फ्लेमिनीच्या टीममधील एकाने सांगितले की, तिने गुहेत सर्वाधिक काळ राहण्याचा विश्वविक्रम मोडला आहे. वैज्ञानिकांनी मानवी मन आणि शरीराच्या आतील हालचालींचा अभ्यास करण्यासाठी तिच्या हालचालींवर नजर ठेवली होती. फ्लेमिनी ४८ वर्षांची असताना वाढदिवस साजरा करण्यासाठी एकटी गुहेत गेली. गुहेत राहून तिने स्वत:ला फिट ठेवण्यासाठी ट्रेनिंग, पेंटिंग, टोप्या बनवणं यांसारख्या गोष्टी केल्या. सोबत ६० पुस्तकेही नेली होती. या काळात १ हजार लीटर पाणी फ्लेमिनीने वापरलं. गुहेबाबत फ्लेमिनी म्हणते की गुहा खूप सुरक्षित ठिकाण आहेत. पण माणूस आणि डोक्यासाठी खूप प्रतिकूल आहेत. तुम्ही दिवसा प्रकाश पाहू शकत नाही. तुम्हाला समजत नाही की वेळ कसा जातोय. तुमच्याकडे न्युरॉलॉजिकल स्टिम्युलेशन नाही.
+6
फोटो
