मानवी मृतदेहांचं खत बनवून त्यापासून भाज्यांचं पिक घेतायत नॉर्थ कोरियाचे हुकूमशाह

एकीकडे संपूर्ण जग कोरोना व्हायरसशी लढा देत आहे. मात्र अशाही परिस्थितीत नॉर्थ कोरियाचे हुकूमशाह किम जोंग उन यांच्यावर मात्र मानवतेला काळीमा फासल्याचा आरोप केला जात आहे.

नॉर्थ कोरियाच्या जेलमधून पळून गेलेल्या एका महिलेनं किम जोंग उन यांच्याबाबत एक धक्कादायक खुलासा केला आहे. किम जोंग उन मानवी मृतदेहांचा वापर खतांसारखा करत असल्याचं तिनं म्हटलं आहे.

डेली मेलनं दिलेल्या वृत्तानुसार उत्तर कोरियाच्या जेल मधून पळालेली महिला किम इल सून हिनं नॉर्थ कोरियामध्ये आपराध्यांच्या तापासणीसाठी नेमलेल्या एका आंतरराष्ट्रीय मानवाधिकार समितीसमोर हा खुलासा केला.

किम अल सून हिनं सांगितल्याप्रमाणे, नॉर्थ कोरियाचे शासक मानवी मृतदेहांचा वापर शेतात खतांसाठी करत आहेत. या सरकारनं राजधानी प्योंगप्योंगच्या जवळ एक शेत तयार केलं आहे.

या शेतात हुकूमशाहाच्या सुरक्षारक्षकांसाठी भाज्या आणि अन्य गोष्टींची पिकं घेतली जातात. याच शेतात राजकीय कैद्यांचे मृतदेह खतं बनवण्यासाठी वापरले जातात. यातून शेतीचं पिकही चांगलं येतं असं इथल्या सुरक्षा रक्षकांचं म्हणणं आहे.

किम इल सूननं असा आरोप केला आहे की, हे सर्व हुकूमशाह किम जोंग उन यांच्या सांगण्यावरुन केलं जात आहे. यावरून लक्षात येतं की नॉर्थ कोरियामध्ये मानवाधिकारांचं उल्लंघन खुलेआम सुरू आहे.