)
बॉस्टन, 23 मे : कोरोनानं साऱ्या जगात थैमान घातलं आहे. दररोज कोरोनाबाधितांच्या संख्येत वाढ होत आहे. मात्र अद्याप कोरोनावर औषध किंवा लस शोधण्यात यश आलेले नाही. त्यामुळं कोरोना बरा करण्यासाठी सध्या केवळ प्रतिकारशक्ती वाढवणं हा एकमेव पर्याय आहे. दरम्यान कोरोनामुळं शरीरावर किती वाईट परिणाम होतात, हे एका फोटोवरून तुम्हाला कळू शकेल. उत्कृष्ठ शरीरयष्ठी असलेल्या एक इसमाला कोरोनानं कमकुवत केले आहे. अमेरिकेच्या एका बॉडी बिल्डर नर्सचा एक फोटो सध्या सोशल मीडियावर व्हायरल होत आहे. 43 वर्षीय नर्स माईक शल्टझ 2 महिन्यांपासून कोरोना रुग्णांवर उपचार करत होता. मात्र रुग्णांच्या संपर्कात आल्यानंतर माईकलाही कोरोनाची लागण झाली. त्यानंतर त्याला बॉस्टनमधील रुग्णालयात दाखल केले. 6 आठवडे माईवर उपचार सुरू होते, या दरम्यान त्याला व्हेंटिलेटरवरही ठेवण्यात आलं होतं. मात्र माईक आपल्याला काय झाले हे सुद्धा कळत नव्हतं, त्याचं शरीर कमकुवत झालं होतं. उपचारादरम्यान पहिल्या 6 आठवड्यातच माइक आपली शरीरयष्ठी गमावून बसला होता. त्याचे शरीर एवढं कमकुवत झालं होतं की हाडंही दिसू लागली होती. माईक आपला फोनही उचलू शकत नव्हता.
कोरोनामुळं माईकला अशक्तपणा आला होता, त्यामुळं फोनवर टाइप करताना त्याची बोट कापत असत. रुग्णालयात दाखल होण्याआधी माईकचे वजन 87 किलोग्राम होते, मात्र कोरोनामुळं तब्बल 24 किलो वजन कमी झाले. माईकला अपेक्षा नव्हती की तो कोरोनावर मात करेल, पण त्यानं करून दाखवलं. माईकनं सांगितले की, तो दर आठवड्याला 7 ते 8 बार व्यायाम करायचा, त्यामुळं त्याला विश्वास होता की कोरोना कधीच होणार नाही. मात्र त्याचा हा विश्वास फोल ठरला.
मार्चच्या सुरुवातीला माईक मियामी येथे एका पार्टीला गेला होता. या पार्टीवरून आल्यानंतर माईक कोरोना पॉझिटिव्ह असल्याचं आढळून आलं. कारण या पार्टीत सामिल झालेल्या 38 लोकांना कोरोना विषाणूची लागण झाली, तर 3 जणांचा मृत्यू झाला. माईकला त्याच्या बॉयफ्रेण्डनं रुग्णालयात दाखल केलं. गेले 8 आठवडे माईक रुग्णालयात असून, आता त्याची प्रकृती ठिक आहे.
माईक सोशल मीडियावर सुंदर नर्स म्हणून ओळख ला जातो. 30 हजारच्या वर त्याचे फॉलोअर्स आहेत.
+6
फोटो
