Bendur Whatsapp Status: बेंदूर सणानिमित्त व्हॉट्सअ‍ॅप स्टेटसला ठेवा सुंदर शुभेच्छापर संदेश; पाहणारे म्हणतील ‘क्या बात है!’

Maharashtrian Bendur 2022: आज ‘महाराष्ट्रीयन बेंदूर’. महाराष्ट्रातील काही भागात या सणाला ‘बैल पोळा’ (Pola) असंही म्हणतात.

दरवर्षी आषाढ महिन्यातील पौर्णिमेला हा दिवस साजरा केला जातो.

पश्चिम महाराष्ट्र आणि कर्नाटक सीमेवरील काही जिल्ह्यांमध्ये हा सण साजरा केला जातो.

शेतकऱ्याला शेतीच्या कामात साथ देणाऱ्या बैलांप्रति कृतज्ञता म्हणून हा सण साजरा केला जातो.

या दिवशी बैलांना स्वच्छ धुतलं जातं आणि त्यांना विविध रंगांनी रंगवलं जातं.

त्यांना झुली, बिगिड, शेंब्या, रिबिन, म्होरकी, घंटी, गोंडे, फुगे इत्यादींनी सजवलं जातं.

घरातील सुवासिनी बैलांना ओवाळतात, त्यांचं पुजन करतात. त्यांना पुरणपोळी, मलिदा, मोदक असं गोडधोड खाऊ घातलं जातं.

बैलांची गावातून वाजतगाजत मिरवणूक काढली जाते.

विशेष म्हणजे या दिवशी बैलांना आराम असतो, शेतातील कोणतंही काम त्यांच्याकडून केलं जात नाही.