टेक्नोलाॅजी
वाह! आता WhatsApp ग्रुप होणार चौपट मोठा, एकाच वेळी 32 लोक करू शकणार Video Calling
वाह! आता WhatsApp ग्रुप होणार चौपट मोठा, एकाच वेळी 32 लोक करू शकणार Video Calling
वाह! आता WhatsApp ग्रुप होणार चौपट मोठा, एकाच वेळी 32 लोक करू शकणार Video Calling
कम्युनिटी फीचरचं हे ग्लोबल रोलआउट युजर्सना एकाच छताखाली अनेक गट एकत्र ठेवण्याचे स्वातंत्र्य देईल. WhatsApp मध्ये कोणते नवीन फीचर्स जोडले जाणार आहेत ते आपण जाणून घेऊया.
- News18 Lokmat
- Last Updated :
- Mumbai, India
संबंधित बातम्या
मुंबई, 4 नोव्हेंबर: इन्स्टंट मेसेजिंग अ‍ॅप व्हॉट्सअ‍ॅपनं जगभरात एक नवीन कम्युनिटी फीचर लाँच केलं आहे. या नवीन वैशिष्ट्यामुळे, वापरकर्ते त्यांच्यासाठी महत्त्वपूर्ण असलेल्या गटांमध्ये सामील होऊ शकतील. कम्युनिटी फीचर्सचं हे ग्लोबल रोलआउट वापरकर्त्यांना एकाच छताखाली अनेक गट एकत्र ठेवण्याचे स्वातंत्र्य देईल. याद्वारे यूजर्स त्यांचे विचार ग्रुपसोबत शेअर करू शकतील.
या नवीन फीचरची घोषणा करताना मेटा कंपनीचे संस्थापक आणि सीईओ मार्क झुकेरबर्ग म्हणाले, "आज आम्ही व्हॉट्सअ‍ॅपवर कम्युनिटी फीचर लाँच करत आहोत. यानंतर युजर्स सब-ग्रुप, मल्टीपल थ्रेड्स, अनाउंसमेंट आणि इतर वैशिष्ट्ये वापरता येऊ शकतील.
याशिवाय, नवीन वैशिष्ट्य म्हणून 32 लोक एकाच वेळी व्हिडिओ कॉलिंग देखील करू शकतील." झुकेरबर्ग यांनी पुन्हा एकदा सुरक्षिततेवर भर दिला आणि सांगितलं की हे सर्व संदेश एंड-टू-एंड एन्क्रिप्शनसह सुसज्ज आहेत, जिथे संपूर्ण गोपनीयता उपलब्ध आहे.
एका कम्युनिटीमध्ये अनेक ग्रुप्स-
मेटाच्या या नवीन कम्युनिटी फीचरमुळं व्हॉट्सअॅप यूजर्स ग्रुपमध्ये बोलू शकतील. हे नवीन वैशिष्ट्यामुळं एका कम्युनिटी अंतर्गत स्वतंत्र ग्रुप ठेवता येतील. याद्वारे व्हॉट्सअॅप वापरकर्ते अधिक प्रभावीपणे विषयांवरील त्यांचे विचार मोठ्या गटापर्यंत पोहोचवू शकतात.
हेही वाचा: आधी Facebook नंतर WhatsApp अन् आता Instagram डाउन; झुकरबर्गच्या मेटाला झालंय काय?
कसं वापरलं जाईल फीचर-
कम्युनिटी फीचर सुरू करण्यासाठी Android वापरकर्त्यांनी त्यांच्या चॅटच्या शीर्षस्थानी असलेल्या बटणावर आणि iOS वर तळाशी असलेल्या नवीन समुदाय टॅबवर टॅप करणं आवश्यक आहे. तिथून युजर्स नवीन समुदायांशी बोलू शकतील किंवा विद्यमान गटांमध्ये जोडू शकतील. एका वेळी वापरकर्ते त्यांना आवश्यकतेनुसार समुदायातील विविध गटांमध्ये स्विच करण्यास सक्षम असतील. या कम्युनिटी फीचरच्या माध्यमातून ते त्यांच्याशी संबंधित लोकांना एकाच वेळी सहज संदेश पाठवू शकतील.
1000 लोकांचा ग्रुप, 32 लोकांसह व्हिडिओ कॉल-
कम्युनिटी फीचर व्यतिरिक्त, Meta ने WhatsApp वापरकर्त्यांसाठी आणखी अनेक फीचर्स अपडेट केली आहेत. यामध्ये ग्रुपमध्ये उपस्थित असलेल्या सदस्यांच्या संख्येची मर्यादा 1024 करण्यात आली आहे, पूर्वी ही संख्या 512 होती. याशिवाय आता व्हिडिओ कॉल दरम्यान 32 लोक एकाच वेळी बोलू शकतात. याशिवाय कम्युनिटी ग्रुपमधील अॅडमिनही मेसेज डिलीट करून मॅनेज करू शकतो.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Whatsapp, WhatsApp features