)
मेलबर्न, 17 नोव्हेंबर : स्मृती मंधानाने (Smriti Mandhana) ऑस्ट्रेलियाच्या बिग बॅश लीगमध्ये (Women Big Bash League) इतिहास घडवला आहे. या स्पर्धेत शतक करणारी स्मृती पहिली भारतीय खेळाडू ठरली आहे. सिडनी थंडरकडून (Sydney Thunder) खेळताना स्मृतीने 64 बॉलमध्ये नाबाद 114 रन केले. स्मृतीच्या या इनिंगमध्ये 14 फोर आणि 3 सिक्सचा समावेश होता, म्हणजेच तिने 17 बॉलमध्ये 74 रन केले. या टी-20 लीगमधला हा कोणत्याही खेळाडूचा सर्वाधिक स्कोअर आहे. स्मृतीच्या या खेळीनंतरही सिडनीच्या टीमने हा सामना 4 रनने गमावला. मेलबर्नने पहिले बॅटिंग करत 4 विकेट गमावून 175 रन केले होते. या आव्हानाचा पाठलाग करताना सिडनीने 2 विकेट गमावून 171 रन केले.
A beautiful innings!
— Weber Women's Big Bash League (@WBBL) November 17, 2021
Congratulations, @mandhana_smriti 🤩 #WBBL07 pic.twitter.com/Jwo4E1fN3X
सिडनी थंडरला अखेरच्या ओव्हरमध्ये विजयासाठी 13 रनची गरज होती, पण भारतीय टी-20 टीमची कर्णधार हरमनप्रीत कौरने (Harmanpreet Kaur) फक्त 8 रन देऊन टीमला रोमांचक विजय मिळवून दिला. मंधानाने या ओव्हरमध्ये 4 बॉलचा सामना केला, पण तिला फक्त 6 रन करण्यात आले. हरमनप्रीतने 4 ओव्हरमध्ये 27 रन देऊन एक विकेट मिळवली. याआधी मेलबर्नकडून खेळणाऱ्या हरमनप्रीतने बॅटनेही शानदार कामगिरी केली. तिने 55 बॉलमध्ये नाबाद 81 रन केले, यामध्ये 11 फोर आणि 2 सिक्सचा समावेश होता. स्मृती मंधानाने या शतकासह बिग बॅश लीगमध्ये सर्वाधिक स्कोअर करण्याच्या विक्रमाची बरोबरी केली आहे. याआधी 2017 साली एश्ले गार्डनरने सिडनी सिक्सर्सकडून खेळताना 114 रनच केले होते.
+6
फोटो
