)
रांची, 4 जुलै : टीम इंडियाचा माजी कर्णधार एमएस धोनी (MS Dhoni) आणि त्याची पत्नी साक्षी (Sakshi Dhoni) यांचा आज म्हणजेच 4 जुलैला लग्नाचा वाढदिवस आहे. हे दोघं त्यांच्या लग्नाचा 11 वा वाढदिवस साजरा करत आहेत. सोशल मीडियावरही या दोघांना त्यांचे चाहते शुभेच्छा देत आहेत. धोनी सोशल मीडियावर कमी ऍक्टिव्ह असतो, पण साक्षी मात्र बरीच सक्रीय असते. एमएस धोनीचे अनेक अपडेट आणि फोटो ती सोशल मीडियावर शेयर करत असते. यावेळीही धोनीने लग्नाच्या वाढदिवसाबद्दल दिलेल्या गिफ्टचा फोटो तिने शेयर केला आहे. साक्षीने तिच्या इन्स्टाग्राम स्टोरीमध्ये लग्नाच्या वाढदिवसानिमित्त अनेक फोटो शेयर केले आहेत. यामध्ये एका विंटेज कारचा फोटो देखील आहे. धोनीने लग्नाच्या वाढदिवसानिमित्त साक्षीला ही गाडी दिली आहे. फॉक्सवॅगन बीटल ही विंटेज कार धोनीने पत्नीला दिली आहे. लग्नाच्या वाढदिवसानिमित्त दिलेल्या या गिफ्टबद्दल धन्यवाद, असं कॅप्शन साक्षीने तिच्या इन्स्टा स्टोरीला दिलं आहे. 4 जुलै 2010 साली धोनीने साक्षीसोबत लग्न केलं. त्याआधी एक दिवस देहरादूनमध्ये दोघांचा साखरपुडा झाला होता. काही दिवस हे दोघं एकमेकांना डेट करत होते, पण कोणलाही याची कल्पना नव्हती. धोनी यावर्षी सप्टेंबर महिन्यात पुन्हा एकदा मैदानात दिसेल. आयपीएलच्या दुसऱ्या सत्राचं आयोजन युएईमध्ये होणार आहे. धोनी आयपीएलच्या पहिल्या मोसमापासून चेन्नई सुपरकिंग्सचं नेतृत्व करतो. कोरोना व्हायरसमुळे आयपीएल 29 मॅचनंतर अर्ध्यातच स्थगित करण्यात आली होती.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
