)
मुंबई, 25 मार्च : भारतात आयपीएल या क्रिकेटच्या उत्सवाला आता लवकरच सुरुवात होणार आहे. यंदा आयपीएलमध्ये सहभागी होणाऱ्या 10 संघानी सरावाला सुरुवात केली असून प्रत्येक संघ यंदा विजेतेपद मिळवण्यासाठी क्रिकेटच्या मैदानावर उतरणार आहे. याच दरम्यान आयपीएलमधील राजस्थान रॉयल्स संघाने सरावा दरम्यानचा एक व्हिडिओ ट्विट केलाय. यात स्टार गोलंदाज युझवेंद्र चहल इतर खेळाडूंसोबत मस्ती करताना दिसत आहे. ऑस्ट्रेलिया विरुद्ध कसोटी आणि वनडे सामन्यात युझवेंद्र चहल भारतीय संघाचा भाग होता. परंतु त्याला एकाही सामन्यात भारताच्या प्लेयिंग 11 मध्ये खेळण्याची संधी मिळाली नाही. परंतु कसोटी आणि वनडे मालिकेत त्याने खेळाडूंसह प्रेक्षकांचे त्याच्या अतरंगी आणि खोडकर कृतींमुळे मनोरंजन केले. आता भारताचा स्टार गोलंदाज युझवेंद्र चहल आयपीएलच्या आगामी सीजन करता सराव करण्यासाठी राजस्थान रॉयल्स संघाच्या प्रॅक्टिस सेशनमध्ये सहभागी झालेला आहे. परंतु यावेळी देखील युझवेंद्र चहलचा खोडकर अंदाज पाहायला मिळतोय.
राजस्थान रॉयल्सने पोस्ट केलेल्या व्हिडिओत युझवेंद्र चहल जिम्बॉब्वे चा माजी क्रिकेटर ट्रेवर पेनी याच्या सोबत मस्ती करताना दिसतोय. खोडकर युझवेंद्र चहलने त्यानंतर रूममधील एक जड वस्तू उचलून ट्रेवर च्या दिशेने फेकून मारताना दिसतोय. यादरम्यान युझी मलिंगा सोबत देखील मस्ती करत असताना टायला गुदगुल्या करताना पाहायला मिळतोय.
31 मार्च पासून आयपीएल 2023 ला सुरुवात होणार असून राजस्थान रॉयल्स संघाचा पहिला सामना २ एप्रिल रोजी सनरायजर्स हैद्राबाद सोबत होणार आहे.
+6
फोटो
