)
मुंबई, 24 एप्रिल : आयपीएल 2023 मध्ये सोमवारी दिल्ली कॅपिटल्स विरुद्ध सनरायजर्स हैद्राबाद यांच्यात सामना खेळवण्यात आला. या सामन्यात दिल्ली कॅपिटल्सने हैद्राबाद संघाचा पराभव केला आहे. दिल्ली कॅपिटल्सने हैद्राबादवर 7 धावांनी विजय मिळवला असून आयपीएल 2023 मधील सलग दुसऱ्या सामन्यात दिल्लीने विजय मिळवला. हैद्राबाद येथील राजीव गांधी स्टेडियमवर आयपीएल 2023 चा 34 वा सामना दिल्ली कॅपिटल्स विरुद्ध सनरायजर्स हैद्राबाद यांच्यात खेळवण्यात आला. या सामन्यात सुरुवातीला दिल्ली कॅपिटल्सचा संघ फलंदाजीसाठी मैदानात उतरला. परंतु यावेळी हैद्राबादच्या भेदक गोलंदाजीमुळे दिल्ली कॅपिटल्सची सुरुवात खराब झाली. दिल्ली कॅपिटल्सकडून डेव्हिड वॉर्नरने 21, मिचेल मार्शलने 25, सरफराज खानने 10, मनीष पांडेने 34, अक्षर पटेलने 34 धावा केल्या. तर इतर फलंदाजांना दोन अंकी धाव संख्या करता आली नाही. हैद्राबादकडून वॉशींग्टन सुंदरने 3 विकेट, भुवनेश्वर कुमारने 2 तर नटराजनने 1 विकेट घेतली.
दिल्ली कॅपिटल्सचा संघ पहिल्या डावात 20 ओव्हरमध्ये 6 विकेट्स गमावून 144 धावा करू शकला. दिल्लीने विजयासाठी हैद्राबाद संघाला 145 धावांचे आव्हान दिले असताना सनरायजर्स हैद्राबादच्या फलंदाजीची सुरुवात देखील खराब झाली. हैद्राबादकडून मयंक अग्रवालने 49, राहुल त्रिपाठीने 15, हेनरिच क्लासनने 31 , वॉशिंग्टन सुंदरने 24 धावा केल्या. शेवटच्या काही ओव्हरमध्ये सनरायजर्स हैद्राबादने सामन्यात कमबॅक करून आक्रमक खेळी करून विजयाचं आव्हान पूर्ण करण्याचा प्रयत्न केला, परंतु अखेर 7 धावांनी दिल्ली कॅपिटल्सचा विजय झाला.
+6
फोटो
