)
मुंबई, 6 मे : आयपीएल 2023 मध्ये 50 वा सामना दिल्ली कॅपिटल्स विरुद्ध रॉयल चॅलेंजर्स बँगलोर यांच्यात पारपडला. या सामन्यात दिल्लीने आरसीबीवर दणदणीत विजय मिळवला आहे. दिल्ली कॅपिटल्सने यासह आयपीएल 2023 मधील चौथ्या सामन्यात विजय मिळवला आहे. दिल्लीच्या अरुण जेटली स्टेडियमवर दिल्ली कॅपिटल्स विरुद्ध रॉयल चॅलेंजर्स बँगलोर यांच्यात सामना खेळवण्यात आला. यात रॉयल चॅलेंजर्स बँगलोरने टॉस जिंकून प्रथम फलंदाजीचा निर्णय घेतला. आरसीबीकडून फलंदाजीसाठी विराट कोहली आणि कर्णधार फाफ डू प्लेसिस हे संघ मैदानात उतरले. विराट कोहलीने या सामन्यात 55 धावा करून आयपीएलमध्ये 7 हजार धावांचा टप्पा पार केला. आरसीबीकडून फाफ डू प्लेसिसने 45, महिपाल लोमरोरने 54 तर दिनेश कार्तिकने 11 धावा केल्या. आरसीबीने 20 ओव्हरमध्ये 4 विकेट देऊन 181 धावा केल्या तर दिल्लीला विजयासाठी 182 धावांचे आव्हान दिले.
दिल्ली कॅपिटल्सकडून विजयाचे आव्हान पूर्ण करण्यासाठी कर्णधार डेविड वॉर्नर आणि फिलिप सॉल्ट हे दोघे मैदानात आले. जबरदस्त फॉर्ममध्ये असलेल्या फ्लिप सॉल्टने आरसीबीच्या गोलंदाजांना धुतलं, त्याने 45 चेंडूत 87 धावांची कामगिरी केली. दिल्ली कॅपिटल्सकडून डेविड वॉर्नरने 22, मिचेल मार्शने 26, रायली रासवने 35 तर अक्षर पटेलने 8 धावा केल्या. दिल्ली कॅपिटल्सने विजयाचे आव्हान 16.4 ओव्हरमध्येच पूर्ण केले. आरसीबीच्या गोलंदाजांना दिल्लीच्या केवळ 3 विकेट्स घेण्यात यश आले.
+6
फोटो
