)
लखनऊ, 24 फेब्रुवारी : श्रीलंकेविरुद्धच्या पहिल्या टी-20 मध्ये टीम इंडियाचा (India vs Sri Lanka 1st T20) 62 रननी दणदणीत विजय झाला आहे. भारताने दिलेल्या 200 रनच्या आव्हानाचा पाठलाग करताना श्रीलंकेला 20 ओव्हरमध्ये 6 विकेट गमावून 137 रनच करता आल्या. चरिथा असलंकाने सर्वाधिक 53 रनची नाबाद खेळी केली. भारताकडून भुवनेश्वर कुमार (Bhuvneshwar Kumar) आणि व्यंकटेश अय्यर (Venkatesh Iyer) यांना प्रत्येकी 2-2 विकेट मिळाल्या, तर युझवेंद्र चहल आणि रवींद्र जडेजा यांना प्रत्येकी 1-1 विकेट घेण्यात यश आलं. या सामन्यात श्रीलंकेने टॉस जिंकून पहिले बॉलिंगचा निर्णय घेतला, यानंतर भारताने 20 ओव्हरमध्ये 2 विकेट गमावून तब्बल 199 रन केले. इशान किशनने (Ishan Kishan) 56 बॉलमध्ये 89 रनची खेळी केली, यामध्ये 10 फोर आणि 3 सिक्सचा समावेश होता. तर श्रेयस अय्यर (Shreyas Iyer) 28 बॉलमध्ये 57 रनवर नाबाद राहिला. श्रेयस अय्यरने 5 फोर आणि 2 सिक्स लगावले. रोहित शर्माने 32 बॉलमध्ये 44 रनची खेळी केली. श्रीलंकेकडून लाहिरु कुमारा आणि दासुन शनाका यांना प्रत्येकी 1-1 विकेट मिळाली. टी-20 आंतरराष्ट्रीय मधला टीम इंडियाचा हा लागोपाठ 10 वा विजय आहे. टी-20 वर्ल्ड कपमध्ये न्यूझीलंडविरुद्ध पराभव झाल्यानंतर भारताने अफगाणिस्तान, स्कॉटलंड, नामिबिया यांचा पराभव केला. तसंच न्यूझीलंडचा 3-0 आणि वेस्ट इंडिजचाही 3-0 ने पराभव केला. भारत आणि श्रीलंका यांच्यातली दुसरी टी-20 मॅच आता शनिवारी धर्मशालामध्ये खेळवली जाणार आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
