गुडघ्यातून वाहत होतं रक्त तरीही सोडला नाही; CSK च्या प्लेअरचा सीमारेषेवर अफलातून झेल

आबुधाबी, 26 सप्टेंबर : चेन्नई सुपर किंग्जचा (CSK) सलामीवीर फाफ डु प्लेसिस त्याच्या उत्कृष्ट क्षेत्ररक्षणासाठी ओळखला जातो. आयपीएल 2021 च्या एका सामन्यात त्यानं गुडघ्याला दुखापत झाल्यानंतरही सीमारेषेवर इऑन मॉर्गनचा शानदार झेल पकडला. त्याच्या गुडघ्यातून रक्त वाहत होतं तरीही चपळाई दाखवत त्यानं झेल पकडला. यानंतर सोशल मीडियावर चाहत्यांनी त्याच्या झेलचे कौतुक करण्यास सुरुवात केली. केकेआरच्या डावाच्या तिसऱ्या षटकात सलामीवीर व्यंकटेश अय्यरने दीपक चाहरच्या गोलंदाजीवर लाँग शॉट खेळण्याचा प्रयत्न केला. चेंडू बॅटवरून मिड ऑनच्या दिशेनं गेला. फाफ डू प्लेसिसने डाय मारून तो अडवण्याचा प्रयत्न केला. पण, चेंडू त्याच्यापासून दूर राहिला. या दरम्यान त्याच्या गुडघ्याला दुखापत झाली. यानंतर, डू प्लेसिसने 10 व्या षटकाच्या पहिल्या चेंडूवर मिड-ऑनवर केकेआरचा कर्णधार इऑन मॉर्गनचा शानदार झेल घेतला. मॉर्गनला फक्त 8 धावा करता आल्या. हे वाचा -  MI vs RCB : मुंबई इंडियन्सचा नाणेफेक जिंकून प्रथम गोलंदाजीचा निर्णय; हार्दीक पंड्या परतला डु प्लेसिसने 4 अर्धशतके केली आहेत

दक्षिण आफ्रिकेच्या फाफ डु प्लेसिसला टी -20 विश्वचषकासाठी संघात स्थान मिळालेले नाही. आयपीएल 2021 च्या दुसऱ्या टप्प्यातील दोन्ही सामन्यांमध्ये त्याला फारशी चमकदार कामगिरी करता आली नाही. पण एकूण हंगामाबद्दल बोलायचे झाले तर त्याने 9 सामन्यांमध्ये 50 च्या सरासरीने 351 धावा केल्या आहेत. त्यामध्ये 4 अर्धशतके केली आहेत. नाबाद 95 ही त्याची सर्वोत्तम धावसंख्या आहे. त्याने आतापर्यंत 31 चौकार आणि 15 षटकार मारले आहेत. सीएसकेने गेल्या मोसमात चांगली कामगिरी केली नव्हती, पण फाफ डु प्लेसिसने तेव्हाही चांगली फलंदाजी केली होती. हे वाचा -  IPL 2021: Playing 11 मध्ये मिळाली नाही संधी, जबरदस्त कॅच घेत जिंकली सर्वांची मनं VIDEO दोन्ही संघ- चेन्नई सुपर किंग्स : ऋतुराज गायकवाड, फाफ डु प्लेसिस, मोईन अली, अंबाती रायडू, सुरेश रैना, महेंद्रसिंग धोनी (कर्णधार), रवींद्र जडेजा, सॅम करेन, शार्दुल ठाकूर, दीपक चहर आणि जोश हेजलवूड. कोलकाता नाईट रायडर्स : व्यंकटेश अय्यर, शुभमन गिल, राहुल त्रिपाठी, इऑन मॉर्गन (कर्णधार), दिनेश कार्तिक, नितीश राणा, आंद्रे रसेल, सुनील नारायण, लॉकी फर्ग्युसन, प्रणव कृष्णा आणि वरुण चक्रवर्ती.

• Follow us on