)
नवी दिल्ली, 25 जुलै : भारतीय क्रिकेट संघाचा माजी अष्टपैलू खेळाडू युवराज सिंगच्या आईसोबत घडलेली एक धक्कादायक घटना समोर आली आहे. युवीची आई शबनम सिंग यांना तब्बल 40 लाखांची मागणी करणारा धमकीचा कॉल आला आहे. एका महिलेने बदनामी करण्याची धमकी देत या पैशांची मागणी केल्याचे सांगण्यात येत आहे. याप्रकरणी पोलिसांनी कारवाई करत युवराज सिंगच्या आईला धमकी देणाऱ्या महिलेला अटक केली आहे. काय आहे प्रकरण? आयसीसी एकदिवसीय विश्वचषक 2011 मध्ये भारतासाठी मॅचविनिंग कामगिरी करणारा चॅम्पियन अष्टपैलू युवराज सिंगच्या आईला धमकी दिल्याचं प्रकरण समोर आले आहे. बदनामी करण्याची धमकी देत एका महिलेने युवीची आई शबनम यांच्याकडे 40 लाख रुपयांची मागणी केल्याचे सांगण्यात येत आहे. युवराज सिंगच्या आईने पैशाची व्यवस्था करण्यासाठी काही दिवसांचा अवधी मागितला आणि सुरुवातीचे 5 लाख रुपये देण्याची वेळ आली तेव्हा आरोपी महिलेला पोलिसांनी रंगेहाथ पकडले. वाचा - हरमनप्रीत कौरवर ICC कडून मोठी कारवाई! बांग्लादेशमधील ‘ते’ कृत्य भोवल रिपोर्टनुसार, युवराज सिंगच्या आईकडून पैशांची मागणी केल्याप्रकरणी गुरुग्रामच्या डीएलएफ फेज-1 पोलीस ठाण्यात एफआयआर दाखल करण्यात आला आहे. पोलिसांनी दिलेल्या माहितीनुसार, शबनम सिंग यांच्याकडे पैशांची मागणी करणाऱ्या महिलेला युवराज सिंगचा भाऊ जोरावर सिंग याच्या देखभालीसाठी ठेवण्यात आले होते. अवघे 20 दिवस काम केल्यानंतर तिला काढून टाकण्यात आले होते. युवराज सिंगच्या भावाची काळजी घेण्यासाठी आरोपी महिलेला ठेवण्यात आले होते. परंतु, तिने आपल्या भावाला आपल्या जाळ्यात अडकवण्यास सुरुवात केली, असे सांगितले जाते. ही बाब घरच्यांना कळताच त्यांनी तातडीने आरोपी महिलेला कामावरून काढून टाकण्याचा निर्णय घेतला. कामावरून काढून टाकल्यानंतर आरोपी महिला युवराज सिंगची आई शबनम सिंग यांना मेसेज आणि कॉल करत असे. कुटुंबाला खोट्या प्रकरणात अडकवण्याची धमकी द्यायची. आरोपी महिलेने कुटुंबाची बदनामी करण्याची धमकी देत त्या बदल्यात 40 लाख रुपयांची मागणी केली होती.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
