'तू सोबत असतेस तेव्हा..' विराटनं अनुष्काबरोबरचा शेअर केला खास Photo, पत्नीनं दिलं मजेशीर उत्तर

मुंबई, 29 नोव्हेंबर: टीम इंडियाच्या टेस्ट आणि वन-डे टीमचा कॅप्टन विराट कोहली (Virat Kohli) सध्या क्रिकेटच्या मैदानापासून दूर आहे. त्याला टी20 वर्ल्ड कपनंतर विश्रांती देण्यात आली आहे. तो न्यूझीलंड विरुद्धची टी20 सीरिज तसेच कानपूर टेस्टमध्ये खेळलेला नाही. मुंबईत होणाऱ्या दुसऱ्या टेस्टपूर्वी (India vs New Zealand Mumbai Test) टीम इंडियात दाखल होतील. सध्या सुट्टीचा आनंद घेत असलेल्या विराटनं सोशल मीडियावर पत्नी अनुष्का शर्मा (Anushka Sharma) सोबतचा फोटो शेअर केला आहे.

विराटनं या फोटोला दिलेल्या कॅप्शननं सर्वांचं लक्ष वेधून घेतलं आहे. 'तू माझ्यासोबत असलीस तर मला कुठेही घरासारखे वाटते' असं कॅप्शन विराटनं दिलं आहे. विराटचे हे कॅप्शन फॅन्सना भलतेच आवडले असून त्यांनी या फोटोवर लाईक्सचा पाऊस पाडला आहे. या फोटोत विराट आणि अनुष्का नदीच्या काठावर बसलेले आहेत.  या दोघांचेही तोंड नदीकडे असून त्यांचा  पाठमोरा फोटो विराटनं शेअर केला आहे.

View this post on Instagram

A post shared by Virat Kohli (@virat.kohli)

विराटच्या फोटोला अनुष्का शर्मानं मजेदार उत्तर दिलं आहे. 'ही खूप चांगली गोष्ट आहे. कारण, तू घरी कमीच असतोस' असं अनुष्काचं मजेशीर उत्तर सोशल मीडियावर सुपर हिट झाले आहे.

विराट सोशल मीडियावर नेहमी सक्रीय असतो. त्याने यापूर्वी जिममध्ये व्यायाम करत असल्याचा एक व्हिडीओ शेअर केला होता. विराटच्या कॅप्टनसीमध्ये टी20 वर्ल्ड कपमध्ये टीम इंडियाची कामगिरी निराशाजनक ठरली. भारतीय टीमला सेमी फायनलमध्ये प्रवेश करण्यात अपयश आले. विराटनं या वर्ल्ड कपपूर्वीच टी20 प्रकारातील कॅप्टनसी सोडण्याचा निर्णय घेतला होता. त्यानुसार न्यूझीलंड विरुद्धच्या सीरिजपूर्वी रोहित शर्मा टीम इंडियाचा कॅप्टन बनला आहे. आता विराट मुंबईतील वानखेडे स्टेडियमवर होणाऱ्या दुसऱ्या टेस्टमध्ये टीम इंडियाची कॅप्टनसी करणार आहे.