IPL 2021 : 'बेटे शेर हो तुम, मौज कर दी' पहिल्या मॅचनंतर गब्बरनं केलं Prithvi Shaw चं कौतुक, VIDEO

IPL 2021 : 'बेटे शेर हो तुम, मौज कर दी' पहिल्या मॅचनंतर गब्बरनं केलं Prithvi Shaw चं कौतुक, VIDEO

पृथ्वी शॉ (Prithvi Shaw) नं शनिवारी झालेल्या मॅचमध्ये फक्त 38 बॉलमध्ये 9 फोर आणि 3 सिक्ससह 72 रन काढले. पृथ्वीचा ओपनिंग पार्टनर शिखर धवननं (Shikhar Dhawan) या मॅचनंतर एक व्हिडीओ इन्स्टाग्रामवर (Instagram) पोस्ट केला आहे.

  • Share this:

मुंबई, 11 एप्रिल : आयपीएल स्पर्धेतील (IPL 2021) दुसरी मॅच दिल्ली कॅपिटल्स विरुद्ध चेन्नई सुपर किंग्स (DC vs CSK) यांच्यात झाली. या मॅचमध्ये दिल्लीनं चेन्नईचा 7 विकेट्सनं आरामात पराभव केला. पृथ्वी शॉ (Prithvi Shaw) आणि शिखर धवन (Shikhar Dhwan) यांच्या हाफ सेंच्युरीच्या जोरावर दिल्लीनं 189 रनचं आव्हान पार केलं.

पृथ्वी शॉ नं विजय हजारे स्पर्धेतील फॉर्म आयपीएलमध्येही कायम राखला आहे. शनिवारी झालेल्या मॅचमध्ये त्यानं फक्त 38 बॉलमध्ये 9 फोर आणि 3 सिक्ससह 72 रन काढले. पृथ्वी शॉ चा ओपनिंग पार्टनर शिखर धवननं या मॅचनंतर एक व्हिडीओ इन्स्टाग्रामवर (Instagram) पोस्ट केला आहे.

धवननं पृथ्वीचा हा व्हिडीओ शेअर करुन म्हंटलं आहे की, "पोरा तू तर वाघ आहेस, भारी केलंस. तुला उचलणंही अवघड आहे."  या व्हिडीओत पृथ्वी बॅट फिरवत असून बॅकग्राऊंडला गाणं सुरु आहे.

पृथ्वी शॉ- शिखर धवन जोडीनं चेन्नई विरुद्ध पहिल्या विकेटसाठा 138 रनची पार्टरनरशिप केली. धववनं 54 बॉलमध्ये 85 रन काढले. यामध्ये 10 फोर आणि 2 सिक्सचा समावेश आहे. दिल्लीसाठी त्यांच्या ओपनिंग बॅट्समननं 2016 नंतर पहिल्यांचा 100 पेक्षा जास्त रनची पार्टरनरशिप केली आहे. तर दिल्लीच्या दोन्ही ओपनिंग बॅट्समननी हाफ सेंच्युरी झळकावण्याचा योग 2015 नंतर शनिवारी प्रथमच आला.

( वाचा : पहिल्या मॅचमधील पराभवानंतर धोनीला आणखी एक मोठा धक्का! )

आयपीएलच्या मागच्या मोसमात दिल्लीची टीम फायनलपर्यंत पोहोचली होती, पण अंतिम सामन्यात त्यांचा मुंबईकडून पराभव झाला होता. कर्णधार म्हणून ऋषभ पंत याचा हा पहिलाच आयपीएल सामना होता. श्रेयस अय्यरला (Shreyas Iyer) दुखापत झाल्यामुळे पंतकडे दिल्लीचं नेतृत्व देण्यात आलं आहे. दिल्लीची पुढील मॅच आता राजस्थान रॉयल्स (RR) विरुद्ध 15 एप्रिल रोजी होणार आहे.

Published by: News18 Desk
First published: April 11, 2021, 9:11 AM IST

ताज्या बातम्या