• Home
  • »
  • News
  • »
  • sport
  • »
  • सूर्यवंशी सिनेमात दिसणार महेंद्रसिंह धोनी? खास Photo मुळे वाढली उत्सुकता

सूर्यवंशी सिनेमात दिसणार महेंद्रसिंह धोनी? खास Photo मुळे वाढली उत्सुकता

रोहित शेट्टीच्या (Rohit Shetty) बहुचर्चित चित्रपट सूर्यवंशीमध्ये (Sooryavanshi) धोनी दिसणार का? याची चर्चा आता सुरू झाली आहे.

  • Share this:
    मुंबई, 4 नोव्हेंबर: महेंद्रसिंह धोनी (MS Dhoni) हा क्रिकेट विश्वात सर्वाधिक फॉलो करण्यात येणाऱ्या क्रिकेटपटूंपैकी एक आहे. धोनीच्या कॅप्टनसीमध्येच चेन्नई सुपर किंग्सनं (Chennai Super Kings) यंदा आयपीएल स्पर्धेचं (IPL 2021) विजेतेपद पटकावले. तसंच तो सध्या टी20 वर्ल्ड कपमध्ये (T20 World Cup 2021) टीम इंडियाचा मेंटॉर म्हणून काम करत आहे. रोहित शेट्टीच्या (Rohit Shetty) बहुचर्चित चित्रपट सूर्यवंशीमध्ये (Sooryavanshi) धोनी दिसणार का? याची चर्चा आता सुरू झाली आहे. अनेक हिंदी सिनेमामध्ये खलनायकाची भूमिका करणारा अभिनेता गुलशन ग्रोव्हर (Gulshan Grover) याने त्याच्या ऑफुशियल ट्विटर हँडलवरुन एक फोटो शेअर केला आहे.  हा फोटो ट्विट करताना गुलशननं काही असं लिहलंय की त्यामुळे धोनी सूर्यवंशी सिनेमात काम करणार का? याबाबत सर्वांची उत्सुकता वाढली आहे. भाई धोनीसोबत सूर्यवंशूच्या सेटवर. महेंद्रसिंह धोनी या सिनेमात काम करणार आहे का? की तो याच स्टुडिओमध्ये कोणत्या शूटींगला आला आहे? असं उत्सुकता वाढवणारं ट्विट त्यांनी केलं असून यामध्ये त्यांनी या सिनेमातील प्रमुख अभिनेता अक्षय कुमारला देखील टॅग केलं आहे. सूर्यवंशी सिनेमात अक्षय कुमारसह (Akshay Kumar) कतरिना कैफची (Katrina Kaif) मुख्य भूमिका आहे. या दोघांसोबत धोनी स्क्रीन शेअर करणार का? याबाबत सोशल मीडियावर वेगवेगळ्या प्रतिक्रिया येत आहेत. तसंच हा फोटो देखील चांगलाच व्हायरल झाला आहे. कोरोना व्हायरसचा मोठा फटका बॉलिवूडला बसला. त्यामुळे अनेक सिनेमांच्या तारखा पुढे ढकलण्यात आल्या होत्या.सूर्यवंशी सिनेमाचं प्रदर्शनही लांबणीवर पडलं होतं. अखेर दिवाळीच्या मुहूर्तावर म्हणजेच 5 नोव्हेंबर (गुरुवार) हा सिनेमा प्रदर्शित होत आहे. अक्षय कुमार आणि कतरिना कैफसह अजय देवगन आणि रणवीर सिंह यांचीही यात विशेष भूमिका असून या सिनेमाला देशभरात बंपर ओपनिंग मिळण्याची शक्यता आहे.
    Published by:News18 Desk
    First published: