लहान बाळांना का घालतात चांदीचे दागिने? या गोष्टींचा त्यांच्या वाढीला होतो फायदा

मुंबई, 01 एप्रिल : हिंदू धर्मात मुलाच्या जन्मानंतर काही दिवसांनी त्याला विविध दागिने घालण्याची परंपरा आहे. लहान बाळाला हातात, पायात चांदीचे दागिने घातले जातात. आपल्या देशात धार्मिक आणि सांस्कृतिकदृष्ट्या लहान बाळांना दागिने घालणे सामान्य बाब आहे. बाळांना अनेक प्रकारचे दागिने घालण्याची प्रथा हाताला कडे आणि पायात पायघोळ, गळ्यात साखळी घालण्याची प्रथा फार पूर्वीपासून चालत आलेली आहे. मुख्यतः मुलांना हातात चांदीचे कडे आणि पायात पैंजन घालण्याची प्रथा आहे. भोपाळचे ज्योतिषी आणि वास्तू सल्लागार पंडित हितेंद्र कुमार शर्मा सांगत आहेत, लहान मुलांसाठी चांदीचे अलंकार घालणे का फायदेशीर आहे.

लहान मुलांना चांदीचे दागिने घालण्याचे फायदे -

ज्योतिषशास्त्रानुसार, लहान मुलांच्या पायात पैंजन, गळ्यात साखळी, हातात चांदीची कडे इ. घालावेत. चांदी ही चंद्राची धातू मानली जाते आणि मनाचे प्रतीक देखील आहे. या व्यतिरिक्त विज्ञानानुसार चांदी ही एक प्रतिक्रियाशील धातू असून शरीरातून सोडलेली ऊर्जा शरीराला परत करते.

या सर्वांशिवाय चांदीला जंतूनाशक धातू देखील मानले जाते. चांदीमध्ये रोगांशी लढण्याची क्षमता असते. म्हणूनही लहान बाळांच्या अंगावर चांदी धारण करावी. चांदीमुळे रोगांशी लढण्याची क्षमता वाढते. चांदी धारण केल्यानं आरोग्यावरही चांगला परिणाम होतो. असे मानले जाते की, लहान मुलांच्या अंगावर चांदीचे अलंकार असतील तर जंतू आणि रोग कमी होतात आणि मुले निरोगी राहतात.

चांदी धारण केल्याने मुलांच्या मानसिक विकासात कोणतीही कमतरता येत नाही, असेही मानले जाते. चांदी हा मनाची कारक मानली जाते. म्हणूनच लहान मुलाला चांदी धारण केल्याने त्याचा मानसिक विकास चांगला होतो आणि त्याचा त्याच्या मनावरही सकारात्मक परिणाम होतो. या सर्व कारणांमुळे लहान मुलांना चांदीचे कडे आणि पैंजन इत्यादी अलंकार घातले जातात.

हे वाचा - रामचरितमानसच्या या ओव्यांमध्ये दिव्य शक्ती; रामाची होईल कृपा, वाढेल आत्मविश्वास

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)