Video : पुणेकरांनो, नदीचं पाणी वाढणार; खडकवासल्यातून विसर्गाला सुरुवात

पुणे, 22 जुलै : पुण्याला पाणीपुरवठा करणाऱ्या धरणांपैकी सर्वात छोट्या खडकवासला (Khadakwasla dam) धरणातून पाण्याचा पहिला विसर्ग सोडण्यात आला आहे. धरण क्षेत्रातील पाण्याचा साठा 88 टक्क्यांचा (88 percent) पुढे गेल्यामुळे धरणातून पाणी सोडण्याचा निर्णय़ घेण्यात आला. गुरुवारी (Thursday) संध्याकाळी 5 वाजल्यापासून हा विसर्ग सोडायला सुरुवात झाली. यामुळे शहरातील मुळा आणि मुठा या नद्यांमध्ये पाणी येणार आहे.

पुणेकरांना मुठेत पाणी वाहताना दिसणार! या हंगामात पहिल्यांदाच खडकवासला धरणातून विसर्ग सुरू. संध्याकाळी 5 वाजल्यापासून धरणातून पाणी सोडण्यात येत आहे.#Pune #PuneRains #Khadakwasla pic.twitter.com/LPLtB6cUFN

— News18Lokmat (@News18lokmat) July 22, 2021

खडकवासला धरण भरले पुण्याला पाणीपुरवठा करणाऱ्या धरणांपैकी खडकवासला हे सर्वात छोटे धरण आहे. आजूबाजूच्या डोंगराळ परिसरातून तसेच सिंहगड परिसरातून येणारे पाणी खडकवासल्यात जमा होते.

'खडकवासला'तून २ हजार ४६६ क्युसेकनं विसर्ग ! खडकवासला धरणात आज दुपारी ३:०० वाजेपर्यंत १.७५ टीएमसी (८८.५२%) पाणीसाठा झाला आहे. धरण क्षेत्रामध्ये अतिपर्जन्यमानामुळे आज ठीक दु. ४:३० वा. २ हजार ४६६ क्युसेकने विसर्ग करण्यात येणार आहे. त्यानंतर विसर्ग वाढण्याची शक्यता आहे.

— Murlidhar Mohol (@mohol_murlidhar) July 22, 2021

त्यामुळे इतर धरणांच्या तुलनेत हे धरण लवकर भरते. धरणातील पाणीसाठी 85 टक्क्यांच्या वर गेल्यानंतर त्यातून पाण्याचा विसर्ग केला जातो. विशेषतः पावसाळ्यात हा नियम काटेकोरपणे पाळण्यात येतो. मोठा पाऊस झाला, तर धरणाच्या भिंतींवर अतिरिक्त भार येऊ नये, यासाठी हा विसर्ग करण्यात येतो.

#Alert | खडकवासला धरणात वेगानं पाण्याची आवक होत असून पावसाचा जोर कायम राहिल्यास आज संध्याकाळी धरणातून मुठा पात्रता पाणी सोडले जाण्याची शक्यता आहे. 'खडकवासल्या'वरील तीनही धरणे अजून भरलेली नसल्याने विसर्ग तुलनेने कमी असेल, तरीही आपण सर्वांनी काळजीच घेतलेली बरी !#punerains

— Murlidhar Mohol (@mohol_murlidhar) July 22, 2021

पर्यटकांची गर्दी दर पावसाळ्यात खडकवासला धरणातून होणारा पाण्याचा विसर्ग पाहण्यासाठी आजूबाजूच्या परिसरातील नागरिक गर्दी करत असतात. गेल्या वर्षीपासून कोरोनाच्या उद्रेकामुळे पर्यटकांच्या संख्येवर मर्यादा घालण्यात आल्या आहेत. हे वाचा -LIVE: रत्नागिरी-खेडच्या शिरगावातला पूल गेला वाहून, 12 वाड्यांचा संपर्क तुटला मात्र तरीही या भागातून प्रवास करणारे पर्यटक काही वेळ या धरणाच्या परिसरात थांबून खडकवासला धरणाचं पाणी पाहून पुढे जाणं पसंत करतात. गेले दोन झालेल्या पावसामुळे हे धरणं भरलं असून पुणेकरांच्या वर्षभराच्या पाण्याची बेगमी व्हायला सुरुवात झाली आहे.