म्हणे, 'सहाही लेकी सासरी गेल्याने...'; अजब कारण देत 65 वर्षांच्या वृद्धाचं 23 वर्षीय तरुणीशी लग्न

वाढत्या वयात लग्न करणं किंवा पुन्हा लग्न करणं तसं नवं नाही. पण 6 विवाहित लेकींचा बाप असलेल्या वृद्धाने आपल्या लेकीच्याच वयाच्या तरुणीशी लग्न केल्याने आश्चर्य व्यक्त केलं जातं आहे.

उत्तर प्रदेशच्या बाराबंकी जिल्ह्यातील पुरे चौधरी गावातील 65 वर्षांच्या वृद्धाने 23 वर्षीय तरुणीसोबत लग्नगाठ बांधली आहे.

नकछेद यादव ज्यांच्या पहिल्या पत्नीचा मृत्यू झाला आहे. तिच्यापासून त्यांना 6 मुली आहेत. या सहाही जणींची लग्न झाली आहे. मुलींच्या लग्नानंतर त्यांनीही पुन्हा दुसरं लग्न केलं आहे.

रामनगरी अयोध्येतील कामाख्या देवी मंदिरात नकछेद आणि नंदनी यांचं हिंदू परंपरेनुसार लग्न झालं. लग्नात त्यांचं कुटुंब आणि नातेवाईकही सहभागी झाले होते.

दुसऱ्यांदा लग्न करण्याबाबत कारण देताना नकछेद म्हणाले, सर्व मुली लग्न करून त्यांच्या घरी गेल्या. स्वयंपाक करायला मला जमत नव्हता. त्यामुळे मी दुसरं लग्न केलं.

दरम्यान इतक्या वयस्कर व्यक्तीशी लग्न करूनही आपण खूप आनंदी असल्याचं नंदनी म्हणाली.