नदीत मासे पकडताना काट्यात अडकली मगर; शेवटी रुग्णालयातच करावी लागली रवानगी

अनेकदा मासे पकडताना काट्यात माशाच्या ऐवजी दुसरं काही तरी अडकतच. विचार करता जर या काटयात मगर अडकली तर? असाच एक प्रकार उत्तर प्रदेशातील फिरोजबाद येथून समोर आले आहे.

ही घटना फिरोजाबाद येथील आहे. येथे एक तरुण मासे पकडण्यासाठी नदीवर गेला होता. तो मासे पकडत असताना अचानक त्याला जड वाटू लागलं. जेव्हा तो काटा वर ओढू लागला तेव्हा या काट्यात मगर अडकल्याचे कळाले.

नदीत माशाच्या काट्याला मगर अडकलीची बातमी गावभर पसरली आणि गावकरी मगरीला पाहाण्यासाठी नदीजवळ जमा झाले. सुरुवातील मगरीला पाहण्यासाठी जमा झालेले लोक काही वेळात घाबरू लागले. त्यानंतर तातडीने रेस्क्यू टीमला बोलावण्यात आलं.

सूचना मिळताच वन्यजीव आणि उत्तर प्रदेशातील वन विभागाच्या कर्मचाऱ्यांची टीम तेव्हा पोहोचली. टीमने मगरीवर मेडिकल ट्रिटमेंट सुरू केलं. याची माहिती क्षेत्रीय वन अधिकाऱ्यांनाही देण्यात आली. जखमी मगरीला आग्राच्या वाइल्ड लाइफ एसओएस रुग्णालयात आणण्यात आले, येथे तिचा एक्सरे काढण्यात आला. एक्सरेमध्ये तिच्या तोंडात तब्बल 3 सेंटीमीटर लांबीचं हुक अडकलेलं दिसत होतं.

वाइल्ड लाइफ एओएसचे डेप्युटी डायरेक्टर म्हणाले की, हुक अकडल्यामुळे मगरीला त्रास होत होता आणि यात तिचा मृत्यूही होऊ शकत होता. शस्त्रक्रिया आणि लेजर थेरेपी द्वारा हुक काढण्यात आलं आहे. सध्या टीमला मगरीला वाचविण्यात यश आलं आहे. यानंतर जवळच्या चंबल नदीला मगरीला सोडण्यात येईल.