खरा Iron Man! 6 वर्षांच्या भावाने बहिणीला कुत्र्यापासून वाचवले, चेहऱ्यावर पडले 90 टाके

सध्या सोशल मीडियावर एक फोटो मोठ्या प्रमाणात व्हायरल होत आहे. ब्रिजर वॉकर नावाच्या 6 वर्षांच्या मुलाचा फोटो व्हायरल होत आहे. याचे कारण वाचून तुम्ही या मुलाला सल्यूट कराल.

अमेरिकेच्या व्योमिंग येथे राहणाऱ्या ब्रिजरनं आपल्या 4 वर्षाच्या बहिणीचा जीव वाचवला. मात्र यात त्याला चेहऱ्यावरती 90 टाके पडले.

ब्रिजर वॉकरची कहाणी सोशल मीडियावर चर्चेचा विषय ठरली आहे. या 6 वर्षांच्या ब्रिजरला बॉक्सिंग वर्ल्ड चॅम्पियनचे विजेतेपदही देण्यात आले आहे. वॉकरच्या शौर्याची बातमी वर्ल्ड बॉक्सिंग कौन्सिलपर्यंत पोहोचताच त्यांनी ब्रिजरच्या या शौर्यास ही उपाधी दिली.

कुत्र्याने केलेल्या हल्ल्यानंतर वॉकरला स्वत: ला गंभीर दुखापत झाली. 2 तासांच्या शस्त्रक्रियेनंतर आणि 90 टाकेनंतर मुलावर उपचार करण्यात आले. जेव्हा ब्रिजरला विचारले की, तु पळून का गेला नाहीस, त्यावर त्याने कोणाला तरी मरायचे होते, मग मी का नाही.

ब्रिजरच्या शौर्याची कहाणी त्याची काकीमुळे लोकांपर्यंत पोहचली. निकोल वॉकरनं सोशल मीडियावर ब्रिजर आणि त्याच्या बहिणीचे फोटो पोस्ट करत याबाबत सांगितले.

जगभरातून ब्रिजरला हिरोनं संबोधले जात आहे. हॉलिवूड फिल्म स्टार क्रिस इवान्स जो कॅप्टन अमेरिकामुळे प्रसिद्ध आहे, त्याने ब्रिजरची संवाद साधत त्याचे कौतुक केले.