खूशखबर! Corona Vaccine च्या उत्पादनास सुरुवात, 3 कोटी डोस तयार असल्याचा दावा

कोरोना व्हायरसच्या विळख्यात अडकलेल्या संपूर्ण जगासाठी ऑस्ट्रेलियामधून (Australia) एक दिलासादायक बातमी समोर आली आहे. सीएसएल लिमिटेड कंपनीने, ऑक्सफोर्ड-अ‍ॅस्ट्रॅजेनेकाच्या (AstraZeneca and the University of Oxford) कोरोना व्हायरस वॅक्सिनचं (Corona Vaccine) उत्पादन सुरू केलं आहे. मिळालेल्या माहितीनुसार, सोमवारपर्यंत कंपनी वॅक्सिनच्या तीन कोटी डोसच्या उत्पादनापर्यंत पोहचली असल्याचा दावा ऑस्ट्रेलियायी मिडियाने केला आहे. (फोटो सौ. न्यूज18 इंग्लिश)

सिडनीतील 2-जीबी रेडिओनुसार, ऑस्ट्रेलियाचे आरोग्य मंत्री ग्रेग हुंट (Greg Hunt) यांनी या बातमीला दुजोरा दिला आहे. हुंट यांनी, सांगितलं की, ऑक्सफोर्ड-अ‍ॅस्ट्रॅजेनेका वॅक्सिन घेणं ऐच्छिक असेल, परंतु आम्ही अधिकाधिक लोकांना यासाठी प्रोत्साहित करू. ऑस्ट्रेलियन लोकसंख्येनुसार आमच्याकडे अधिक वॅक्सिन असल्याचा विश्वासही त्यांनी व्यक्त केला आहे. आरोग्य मंत्र्यांनी दिलेल्या माहितीनुसार, मार्चमध्ये सर्वसामान्यांना वॅक्सिन देण्यास सुरुवात केली जाईल. (फोटो सौ. न्यूज18 इंग्लिश)

सिडनी मॉर्निंग हेराल्ड वृत्तपत्राने दिलेल्या माहितीनुसार, सीएसएल कंपनीला लसीची प्रक्रिया पूर्ण करण्यास 50 दिवस लागतील. लस तयार करण्यासाठी कंपनीचे अ‍ॅस्ट्रॅजेनेका (AstraZeneca) आणि ऑस्ट्रेलियन सरकारशी स्वतंत्र करार आहेत. (फोटो सौ. न्यूज18 इंग्लिश)

ऑक्सफोर्ड-अ‍ॅस्ट्रॅजेनेका वॅक्सिन ऑस्ट्रेलियन वैद्यकीय प्रशासनाकडून मंजूर होणं आवश्यक आहे. या वर्षाच्या अखेरीस, या लसीचा तिसरा टप्पा पूर्ण होण्याची अपेक्षा आहे. (फोटो सौ. न्यूज18 इंग्लिश)