Smartwatch: फक्त 99 रुपयांमध्ये मिळतंय ब्लूटूथ कॉलिंगवालं स्मार्टवॉच, मिळतील 8 अ‍ॅक्टिव्ह स्पोर्ट्स मोड्स

Ptron ने आपलं नवीन स्मार्टवॉच Ptron Force X10 भारतीय बाजारात लॉन्च केलं आहे. कंपनीनं या घड्याळाची किंमत फक्त 1,499 रुपये ठेवली आहे आणि ते 4 सप्टेंबरपासून खरेदीसाठी उपलब्ध केलं जाईल. विशेष बाब म्हणजे परिचयात्मक ऑफर अंतर्गत पहिल्या 100 ग्राहकांना हे घड्याळ 99 रुपयांना मिळणार आहे.

खास गोष्ट म्हणजे एवढ्या कमी किमतीत ग्राहकांना ब्लूटूथ कॉलिंग 2.5डी कर्व्ड स्पायरल डायल मिळते आणि त्यात 8 सक्रिय स्पोर्ट्स मोड दिलेले आहेत. यासोबतच यात 150 हून अधिक क्लाउड बेस्ड इमर्सिव्ह फेस उपलब्ध आहेत.

Ptron Force X10 मध्ये 1.7-इंचाचा डिस्प्ले आहे आणि खास ब्राइटनेस फीचर आहे, ज्यामुळं युजर्स सूर्यप्रकाशातही आरामात स्क्रीन पाहू शकतील. स्मार्टवॉचसह, वापरकर्ते रिअल टाइम ब्लड ऑक्सिजन आणि हृदयाच्या गतीचे निरीक्षण करू शकतात.

Ptron Force X10 चार रंगांच्या पर्यायांमध्ये येतं - Glam Black, Pure Black, Space Blue आणि Siuded Pink. हे स्मार्टवॉच Ptron Fit+ अॅपसह येतं आणि ते Android आणि iOS दोन्हीवर काम करतं. यात एक उत्तम नेव्हिगेशन प्रणाली आहे, जी वापरकर्त्यांच्या आरोग्य डेटाचा योग्य प्रकारे मागोवा घेण्यास सक्षम आहे.

हे स्मार्टवॉच IP68 रेटिंगसह येतं, म्हणजेच हे वॉच वॉटर रेसिस्टेंट आहे. याशिवाय राइज आणि वेक अप डिस्प्ले, ब्लूटूथद्वारे कॅमेरा कंट्रोल, म्युझिक कंट्रोल आणि मल्टिपल वॉच फेस आहेत.